Стамбулдағы өзбектер тілін де, ұлттық дәстүрін де, тағамын да насихаттап жүр

1132
Ыстамбұлда жүрген өзбектердің бірлігіне риза болып жүрмін. Кофте, кебап, гозлеме деген түріктің тамақтарынан басқа бірдеңе қалаған кезде Қазақстанды еске түсіру үшін өзбектердің кафе-ресторандарына барамыз. Фатих деген туристер көп жүретін районның өзінде 3 кафе-ресторанына бардық (негізі саны одан да көп шығар).
Іші толған өзбек ағайындар. Сосын түрікше сөйлемейді, бәрі өзбекшесін ұмытпаған. Әрине, өзбектер қызмет көрсету, карго, сауда-сатық саласында қазақтардан көбірек. Соның өзінде біздің қазақтар да аз емес. Қыдырып жүргені бар, бизнесмені мен студенті, сауда-сатық пен бір-екі күнге соғып кететіні бар мыңдаған қазақ шығады.
Қазақ әлемдік деңгейде өзінің асханасын жасай алмады. Ет пен қуырдақ деген тамақтарды үйде жегенмен, кафе-ресторанда тез дайындалмайтын, қымбат тамақтар. Қысқасы, Ыстамбұлда қазақтың ұлттық тағамдары мен кафе-рестораны жоқ. Біздің ақша сыртқа кетіп жатыр. Өзбектер пысық, қайда жүрсе де, сол жерге сіңіп кетпей, ұлттық идентификациясын сақтап қалған.
Нұрлан ЖАНАЙДЫҢ
фейсбук парақшасынан
Пікірлер
Редакция таңдауы