1 сәуір күні Пхукет аралында болған ауыр жол апатында Қазақстан азаматы көз жұмды, деп хабарлайды "Адырна" ұлттық порталы.
Тайландтық БАҚ мәліметінше, апат жергілікті уақыт бойынша түнгі 00:45 шамасында Bypass Rd тас жолында болған. Ер адам мотоциклмен жоғары жылдамдықта келе жатып, басқаруды жоғалтқан. Салдарынан жол бойындағы бағанаға соғылып, ауыр жарақат алған.
Алғашында Тайланд билігі марқұмның жеке басын анықтау барысында оның мобильді телефонындағы орыс тіліндегі жазуларды көріп, "Ресейлік турист" деп қате таныған. Алайда кейіннен тергеу нәтижесінде оның Қазақстан азаматы екені және Тайландта тұрып, жұмыс істейтіні белгелі болған.
Қазақстанның Сыртқы істер министрлігі қазіргі уақытта марқұм туралы нақты расталған ақпарат жоқ екенін мәлімдеді.
