Бүгін, 31 наурызда Қырғызстан президенті Садыр Жапаров Худжанд қаласына (Тәжікстан) жұмыс сапарымен барды. Бұл туралы мемлекет басшысының баспасөз қызметі жазды, деп хабарлайды «Адырна» тілшісі.
Қырғыз басшысын Тәжікстан президенті Эмомали Рахмон қарсы алды. Сапар аясында Қырғызстан, Тәжікстан және Өзбекстан президенттерінің үшжақты саммиті өтеді деп жоспарланып отыр. Кездесудің негізгі мақсаты — үш ел арасындағы мемлекеттік шекаралардың түйісу нүктесі туралы шартқа қол қою.
Мемлекет басшылары қауіпсіздікті қамтамасыз етуге қаратылған ынтымақтастықтың негізгі мәселелерін талқылайды деп күтілуде.
