Алматыда әйгілі «Менің атым Қожа» фильмінің жалғасы ретінде түсірілген «Қожа. Жаңа саяхат» кинокартинасының тұсаукесері өтті, деп хабарлайды "Адырна" ұлттық порталы.
Балалық шақтың естелігін жаңғыртқан туынды көпшіліктің көңілінен шықты. Фильмді тамашалаған көрермендер әлеуметтік желіде өз әсерлерімен бөлісіп, жылы лебіздерін білдірді.
«Жүректесің, Қожа!» , «Жыладық, өте әсерлі шығыпты», «Біз осы киномен өскенбіз, енді балаларымды алып келдім. Бұлар да осы киноны көріп өссін», — деп көрермен отандық киноөндірісті қолдайтынын жеткізді.
«Қожа. Жаңа саяхат» фильмі еліміздің кинотеатрларында 13 наурыздан бастап көрсетіле бастады.
Айта кетейік, жаңа кинотуындының түсірілімдері Алматы облысының Кеген ауданындағы Жалаңаш, Саты ауылдарында өткен.
