Еуразиялық банк "Баға жетпес планета" коалициясына қосылды

1354
Adyrna.kz Telegram

Еуразиялық банк климаттың өзгеруіне қарсы іс-қимылды ілгерілету үшін "Баға жетпес планета" коалициясына қосылды.

Еуразиялық банк Mastercard компаниясының “Баға жетпес планета”жаһандық бастамасына қосылған Қазақстаннан шыққан алғашқы компания болды. Осы оқиғаға орай Алматы қаласында 30 ағаш отырғызылды.

 Еуразиялық банк Conservation International қорымен және әлемдік ресурстар Институтымен (World Resources Institute) серіктестікте құрылған Mastercard жаһандық бастамасы – “Баға жетпес планета” коалициясының жаңа серіктесі болды. Коалиция климаттың өзгеруімен күресуге үлес қосу және қоршаған ортаны тұрақты дамыту мен сақтауға бағытталған бүкіл әлемдегі компаниялардың күш-жігерін біріктіреді. Еуразиялық банк “Баға жетпес планета” коалициясына қосылған алғашқы қазақстандық компания болды.

Еуразиялық банктің “Баға жетпес планета” коалициясымен ынтымақтастығының басталуына орай Қазақстан-Британ техникалық университетінің жанындағы алаңға 30 қызғылт каштан аллеясы отырғызылды. Ағаш отырғызу 2009 жылы БҰҰ Бас Ассамблеясы құрған және 2010 жылдан бастап жыл сайын 22 сәуірде атап өтілетін Халықаралық Жер-аналар күнінде өтті.

Эко-жобаларды қолдау бизнесті орнықты дамыту стратегиясының маңызды элементі болып табылады: бұған дейін Еуразиялық банк қайта өңделген пластиктен жасалған Эко-картаны шығаруды бастады, бұл әркімге елдегі көгалдандыру мен қоқыстарды сұрыптауды қолдауға мүмкіндік береді. Эко-картаны шығарумен қатар, банк бірегей NFC-плакатын ұсынды, ол арқылы кез келген банктің төлем картасын ұстаушылар бір түрту арқылы ағаш отырғызуға 500 теңге көлеміндегі бір немесе бірнеше төлем жібере алады. Осылайша, соңғы екі жылда Астана, Алматы, Өскемен, Қызылорда және еліміздің басқа да қалаларында бес түрлі ағаш аллеясы, 200-ге жуық ағаш отырғызылды.

“Біз Мемлекет басшысы алға қойған міндетке назар аудардық: 2060 жылға қарай Қазақстанның көміртегі бейтараптығына қол жеткізу. Мұның бір жолы-қалаларды көгалдандырудың өсуі және жасыл технологияны енгізу. Бүгін біз Mastercard халықаралық “Баға жетпес планета” коалициясының жаңа мүшесі болғанымызды жариялауға қуаныштымыз. Оған қатысу арқылы біз өз планетамызды өзіміз үшін және болашақ ұрпақ үшін қорғап қана қоймай, сонымен бірге қоғамдық сана мен жауапты кәсіпкерлікті насихаттаймыз. Экологиялық тұрақтылық бизнестің ажырамас бөлігіне айналуы тиіс және біздің банк бұл қозғалыстың басында тұрғанын мақтан тұтады”,  деді Еуразиялық банктің басқарма төрағасы Ләззат Сатиева.

Mastercard инклюзивті, тұрақты цифрлық экономиканы құруға тырысады, онда әркімнің өз әлеуетін жүзеге асыруға мүмкіндігі бар. Бұл жаһандық міндет өзінің көміртегі ізін азайтуды және серіктестер мен тұтынушыларға дәл осылай жасауға көмектесуді қамтиды. Mastercard желісіне 100 миллионнан астам сауда нүктелері және 20 000 клиент-банктер және басқа серіктестер кіреді, ал айналымдағы карталардың жалпы саны 3 миллиардқа жетеді. Осы желі арқылы Mastercard “Баға жетпес планета” коалициясы сияқты серіктестіктер құрып, адамдардың “көміртегі калькуляторы” арқылы табиғатқа деген жауапкершілігі туралы білімдерін популизациялайды. Masterсard тұрақтылық инновациялары зертханасы сонымен қатар тұрақты цифрлық өнімдерді зерттеу, дамыту орталығы және серіктестермен бірге болашақ шешімдерді жасау платформасы ретінде қызмет етеді. Компания 2040 жылға қарай нөлдік шығарындыларға қол жеткізуге міндеттеме алды және жаңартылатын энергия көздерін қолдайды, күн панельдері Mastercard data-орталықтары тұтынатын энергияның 50%-дан астамын құрайды. Бұдан басқа, Mastercard қайта өңделген шикізаттан пластикалық карталарды шығару жобаларын және цифрлық карталарды шығару жобаларын барлық жерде бастайды. Көптеген елдердегі карта ұстаушылар қазірдің өзінде өздерінің көміртегі ізін есептей алады және тұтынушылық мінез-құлқының СО2 шығарындыларына әсерін бағалай алады.

“Mastercard-та біз адамдардың өркендеуі мен планетаның өркендеуі бір-бірімен тығыз байланысты деп санаймыз: климаттың өзгеруіне қарсы шаралар қабылдаған кезде біз тұрақты қауымдастықтар құруға ықпал етеміз. “Жақсылық жасау арқылы табысқа жету” философиясына сәйкес (Doing well by doing good) біздің компания келесі ұрпақ үшін салауатты климат пен қоршаған ортаны сақтау үшін серіктестік мүмкіндіктерін пайдаланады. Сондықтан бүгін біз Еуразиялық банкке “Баға жетпес планета” коалициясына қош келдіңіздер дейміз және адамдар мен планета өркендейтін болашақты құру үшін күш біріктіруді асыға күтеміз”,  деді Орталық Азиядағы Mastercard бас директоры Рафал Трепка.

«Баға жетпес планета» коалициясы бұл Mastercard Conservation International және Әлемдік Ресурстар Институтымен бірлесіп құрған климатқа, қауымдастықтарға және биоәртүрлілікке оң әсер ету әлеуеті жоғары жерлерде 100 миллион ағаш отырғызу үшін жұмыс істейтін 150-тан астам серіктестерден тұратын жаһандық бастама. Қазіргі уақытта коалиция серіктестері климаттың өзгеруіне қарсы ұжымдық іс-шараларға тұтынушыларды тарту үшін қайырымдылық жасауға немесе науқан жүргізуге уәде берді. ) “Баға жетпес планета” коалициясы құрылғаннан бері қалпына келтіру жобаларының портфолиосында 6 континентте 20 елдегі нысандар бар.

 «Халықаралық Жер-Ана күні» 2010 жылдан бастап жыл сайын 22 сәуірде атап өтіледі. БҰҰ Бас Ассамблеясы 2009 жылы белгілеген (№A/RES/63 / 278 қарар). Резолюцияда “Жер-Ана” термині көптеген елдерде кең таралған, бұл планета, оның экожүйелері мен адам арасындағы байланысты көрсетеді. БҰҰ-ға мүше барлық мемлекеттерге, халықаралық және үкіметтік емес ұйымдарға “Халықаралық Жер-Ана күнін” атап өтуді ұсына отырып, Бас Ассамблея Жер күні мерекесі көптеген елдерде жыл сайын атап өтілетініне назар аударады.

ҚР қаржы нарығын реттеу және дамыту агенттігі берген 2020 жылғы 3 ақпандағы № 1.2.68/242/40 лицензиясы.

Пікірлер