Ақтөбелік құтқарушы жігіт әйелін перзентханадан күтіп алды, деп хабарлайды "Адырна" тілшісі.
Қуанышты сәттің видеосы әлеуметтік желіде тараған. Кадрларда құтқарушы азамат әйелі мен сәбиін перзентханадан қайықпен шығарып алған.
"Асқар Құсайынов Ойыл ауданының өрт сөндіру қызметінде еңбек етеді. Су тасқынымен күрес кезінде азаматтың әйелі босанған. Ер азамат перзентханадан жаңа шыққан қызы мен әйелін қолына гүл алып, қайықпен қарсы алды", - делінген видеода.
Өкінішке орай су тасқынының салдарынан аймақта әлі тікелей байланыс жоқ.
