Төтенше жағдайлар министрлігінің баспасөз қызметі Қазақстандағы су тасқыны туралы соңғы жайттарды мәлім етті, деп хабарлайды "Адырна" ұлттық порталы.
«Республикалық штабтың бақылауында 7 облыс бар, олар Ақтөбе, Ақмола, Қостанай, Батыс Қазақстан, Солтүстік Қазақстан және Павлодар облыстары», - делінген хабарламада.
30 наурыз сағат 12.00-ге дейінгі қорытынды бойынша:
- Құтқару жұмыстарына Төтенше жағдайлар министрлігі, Қорғаныс министрлігі, Ұлттық қауіпсіздік комитеті мен Ұлттық ұланның 6 мыңнан астам адамы, 3 мың техникасы мен 12 ұшағы жұмылдырылған.
- 7783 адам, оның ішінде 2800 бала құтқарылып, эвакуацияланды.
- 3131 адам, оның ішінде 1093 бала уақытша орналастыру орталықтарында.
- 644 адам, оның ішінде 236 бала Төтенше жағдайлар министрлігі, Қорғаныс министрлігі, Ұлттық қауіпсіздік комитеті және Ұлттық ұлан ұшақтарымен құтқарылды.
- Қажетті жерлерге 300 мыңнан астам қап пен 45 тонна инертті материал төселді.
- 3,5 млн м3 астам еріген су сорылды.
