Чехияда Kazma лақап атымен танымал Камиль Бартошек есімді блогер тікұшақтан бір миллион доллар ақша шашқан, деп хабарлайды "Адырна" порталы Brainee сайтына сілтеме жасап.
Ер адам өз веб-сайтына тіркелген жүз мың адамға 1 долларлық купюралардан 1 миллион доллар беруді ұйғарды. Ол оларға қоқыс алаңы деп көрсетілген кодталған ақпараты бар электрондық хабарлама жіберген.
Кодты шешіп, тарату орнына келген адамдар аспаннан түскен ақшаларды рюкзактары мен сөмкелеріне жинап алды. Әлеуметтік желіде тараған бейнежазбалардан түрлі адамдардың далада жүгіріп жүріп ақша жинап жатқанын көруге болады.
Әрбір банкнотқа қайырымдылық платформасына сілтемесі бар QR коды бекітілгені атап өтілді. Ұйымдастырушының айтуынша, 4 мыңға жуық адам ақша жинаған.
