Ұлттық қауіпсіздік комитетінің бұрынғы басшысы Кәрім Мәсімов пен оның орынбасарлары жазаларын қауіптілігі орташа мекемеде өтейтін болды, деп хабарлайды «Адырна» тілшісі.
«Апелляциялық инстанция бірінші сатыдағы соттың К.Мәсімовке, А.Садықұловқа және Д.Ерғожинге қатысты жазасын өтеу мекемесінің түрі бойынша қауіпсіздігі ең жоғарыдан орташа мекемеге ауыстырды. Қылмыстық кодекстің 6-бабына сәйкес, сотталғандардың жағдайын жақсартатын заңның кері күші бар және соттар оны қолдануы міндетті»,- деп түсіндірді елордалық соттың баспасөз қызметі.
Ал журналист Махамбет Әбжанның жазасын өтеу режимі өзгертілді. Бұл туралы Ақмола облысының Аршалы аудандық соты айтты. Ол енді қатаң режимдегі түрмеге ауыстырылады.
