Грузия Премьер-министрі Ираклий Кобахидзе президент Саломе Зурабишвили жаңа парламенттік сайлау өткізу туралы шешім қабылдап, өз қызметінен кетпесе, оған қылмыстық жауапкершілікке тартылу қаупі төніп тұрғанын мәлімдеді, деп хабарлайды "Адырна" ұлттық порталы.
Брифингте сөйлеген сөзінде премьер-министр ел конституциясына сәйкес Зурабишвилидің президенттік өкілеттігінің мерзімі 2024 жылғы 29 желтоқсанда аяқталатынын еске салды.
"Кейбір еуропалық саясаткерлер мен лауазымды тұлғалар 29 желтоқсанға дейін көп нәрсе өзгеруі мүмкін дейді. Бірақ мен сіздерге айтайын, ешқандай үлкен өзгеріс болмайды. Радикалды оппозиция Грузияда жеңіске жете алмайды, ал 29 желтоқсанда Зурабишвили өз қызметін босатуға мәжбүр болады," – деді Кобахидзе.
Сондай-ақ, ол қазіргі президенттің Қылмыстық кодекс нормаларын бұзбауға жеткілікті негіздері бар екенін атап өтті.
2024 жылғы 14 желтоқсанда Грузияда алғаш рет тікелей халықтық дауыс беру арқылы емес, билеуші партия ұсынған жалғыз кандидат, экс-футболшы Михаил Кавелашвили президент болып сайланды.
Саломе Зурабишвили бұл сайлауды заңсыз деп санайды және оның нәтижелерін мойындамайды. Ол әділ парламенттік сайлау өткізілгенше өз қызметінде қалуға уәде берді.
