Оралдық кәсіпкерлер қаланың орталық көшелерінің біріне өз күштерімен асфальт төседі. Жылдар өте жолдың тозығы жетіп, жолды жөндеу туралы өтініштер назарсыз қалды, - деп хабарлайды "Адырна" тілшісі Хабар 24 арнасына сілтеме жасап.
Орталық базар ауданындағы Ахмирова көшесі тұрғындары ұзақ жылдар бойы әкімдіктің табалдырығын тоздырғанымен, жергілікті билік тарапынан жолды жөндеу, одан кейін салу жұмыстары белгісіз мерзімге үздіксіз кейінге шегеріліп отырған. Содан кейін аймақ тұрғындары мәселені өз қолдарына алуға бекінген.
"Бұған дейін 20 жыл бойы жол салынбаған болатын. Көлі өте алмайтын. Барлық көршілермен жиналып, жол жасадық. Көрші көшедегі көршілеріміз де жиналып, көмектесті. Шамамен 12 адам жұмылдық. Бәрі әртүрлі үлес қосты, кейбірі 500, біреу 900, біреу тарату арқылы, керек сома жиналды», - дейді кәсіпкер Артур Тасболатов.
Қалалық мәслихат депутаттары проблемалық салаға назар аударды.
"Жыл сайын құрылыс материалдары қымбаттап жатқанын бәрі біледі, бірақ соған қарамастан жергілікті кәсіпкерлер қажетті соманы жинап, жол төсеп, игі іс жасады. Өздеріне де, осы көшенің тұрғындарына жақсы болды. Барлық жұмыс қа 10 миллион теңге кеткен», - деді қалалық мәслихат депутаты Нұргүл Ашықова.
Облыс орталығында жергілікті биліктің мәліметінше, жолдардың 25 пайызында асфальт төселмеген.
"Адырна" ұлттық порталы
