Сыбайлас жемқорлыққа қарсы қызмет ҚР Мәдениет және спорт министрлігінің лауазымды тұлғаларына қатысты бірқатар қылмыстық істі тергеп жатыр, деп хабарлайды "Адырна"порталы.
«Антикорды» Дәурен Абаев Мәдениет және спорт министрі болған кезең қызықтырды, енді 2022 жылы «Еуразия» халықаралық кинофестивалін өткізу қаншалықты заңды жүзеге асқаны тексерілуде.
«Қазақстан Республикасының Сыбайлас жемқорлыққа қарсы іс-қимыл агенттігі ҚР Мәдениет және спорт министрлігінің лауазымды тұлғаларына қатысты бірқатар қылмыстық істерді тергеп жатыр», - деп жауап берді сотқа дейінгі тергеу қызметінің басшысы Қанат Сүлейменов.
Абаев мәдениет және спорт министрлігін 2022 жылдың қаңтарынан 2023 жылдың қаңтарына дейін басқарды. Бұған дейін 2020 жылдың мамыр айынан бастап президент әкімшілігі басшысының бірінші орынбасары болған, одан бұрын, 2016 жылдан бастап Ақпарат және коммуникациялар министрлігін басқарған. Ол сондай-ақ Қазақстан президенті қызметін атқарған кезде Нұрсұлтан Назарбаевтың баспасөз хатшысы (2011-2015) және кеңесшісі (2013-2016) болды.
2023 жылдың наурызынан бастап Абаев атқарушы комитеті Беларусь астанасы Минск қаласында орналасқан ТМД Бас хатшысының орынбасары болды.
Еске салайық, 2022 жылдың 5 желтоқсанында қазақстандық режиссерлер «Еуразия» кинофестивалін өткізудің «әдістеріне» алаңдаушылық білдіргені белгілі болды. Олар кинофестиваль бойынша көрсетілетін қызметтерді мемлекеттік сатып алу конкурсын өткізудің заңдылығына күмән келтірді.
"Адырна" ұлттық порталы
