Екібастұзда әлі 29 жеке үй жылусыз отыр. Бұл туралы брифингте Екібастұз қаласының әкімі Аян Бейсекин мәлімдеді, деп хабарлайды “Адырна” ұлттық порталы.
“Жеке сектордағы сандар үнемі өзгеріп отырады. Өткен түнде бізде 38-ге жуық жеке тұрғын үй жылусыз қалды, енді 29-ын жылу жүйесіне қосу қалды.Жұмыс таңнан кешке дейін жалғасуда. 400-ге жуық адам жұмылдырылған. Жылыту мәселесі бойынша тұрғындардан көптеген сұрақтар туындайды. Көмек қолжетімді. Қазір жылумен жабдықтау жүйесін теңгерімдеумен айналысатын бес реттегіштер тобы бар”, – деді Бейсекин.
Оның айтуынша, екібастұздықтарға көмекке павлодарлық мамандар келген.
“Олар алдағы бірнеше күнде, мүмкін апталарда теңгерімдеу және баптау жұмыстарымен айналысады. Магистральдық желілерде параметрлер бар, бірақ орамішілік және үйішілік желілерде қысым мәселесі бар”, – деп түсіндірді әкім.
