Энергетика министрлігі Германияға жеткізілетін мұнай тасымалына қатысты мәлімдеме жасады, деп хабарлайды «Адырна» тілшісі.
25 сәуірде Reuters агенттігі «Ресей Қазақстанға өз аумағы арқылы қазақстандық мұнай транзитінің тоқтатылуы мүмкін екенін ескертті» деген ақпарат таратқан еді.
«Транснефть» компаниясы Қазақстан билігіне тиісті ескерту жіберді. Оған поляк мұнай құбыры операторы төлемдерінің кешігуі себеп болып отыр»,—деп жазды шетелдік БАҚ.
Қазақстанның Энергетика министрлігі бұл ақпаратты растамады.
«Бізде мұндай ақпарат жоқ»,—деді министрліктің ресми өкілі Шыңғыс Ілиясов.
