"Таза Қазақстан": ҚХА Қарағанды облысының өкілдері қаланы көгалдандыруға өз үлесін қосты

667
Adyrna.kz Telegram

Қазақстан халқы Ассамблеясының Қарағанды облысындағы өкілдері "Таза Қазақстан" республикалық экологиялық акциясын қолдады. "Жасыл аймақ" апталығы аясында этномәдени бірлестіктердің өкілдері кәсіпкерлермен, еріктілермен бірге Әлихан Бөкейхан атындағы ауданға бал өсімдіктерін екті деп хабарлайды Adyrna.kz тілшісі.

"Акцияның басты мақсаты – қоршаған ортаға ұқыпты қарау мәдениетін қалыптастыру, азаматтық жауапкершілікті арттыру және экологиялық мәдениетті нығайту", – деп атап өтті Қарағанды облысының ҚХА.

Көгілдір тоғандардағы аллеялардың біріне 50 қараған бұталары мен бес шырша отырғызылды.

– Біз сары қарағанды бекерден таңдаған жоқпыз. Бұл бал өсімдігі әдемі, оның үстіне өте қарапайым, құрғақшылыққа төзімді, топырақты азотпен байытады, – деп атап өтті ҚХА Аналар кеңесінің мүшесі Дия Ержанова.

Көшеттер егуге жергілікті тұрғындар да қосылды, олар бұл аллеяда балалармен жиі серуендейтінін айтады.

Жергілікті биліктің мәліметінше, биыл Әлихан Бөкейхан атындағы ауданға 10 мыңға жуық жасыл желек егу көзделіп отыр.

Пікірлер