Семейде есірткінің аса ірі партиясы тәркіленді

2290
Adyrna.kz Telegram
Фото: polisia.kz
Фото: polisia.kz

Семейде үйінде 25 келіден астам марихуана сақтаған 38 жастағы қала тұрғыны ұсталды, - деп хабарлайды “Адырна” ұлттық порталы Polisia.kz-ке сілтеп.

Күдікті есірткінің аса ірі партиясын 335 полиэтилен пакетке салып, жастарға сату үшін дайындаған. Тұрғын қылмыс үстінде ұсталды.

"Қазіргі кезде Қылмыстық кодекстің 296-бабы 4-бөлігі ("Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау") бойынша сотқа дейінгі тергеу шаралары басталды. Күдікті қамауға алынды. Ол үш жылдан жеті жылға дейінгі мерзімге бас бостандығынан айыру жазасына кесілуі мүмкін", - делінген хабарламада.

Шығыс Қазақстан облыстық полицияның мәліметіне сәйкес, есірткі қылмысына қарсы іс-қимылды күшейтуге бағытталған "Қарасора" жедел алдын алу іс-шарасы жалғасып жатыр.

“Адырна” ұлттық порталы

Пікірлер