Qazaqstan Respublikasynyŋ Prezidentı Qasym-Jomart Toqaev myrzaǧa
Qazaqstan Respublikasynyŋ premer-ministrı Älihan Smailov myrzaǧa
Aqparat jäne qoǧamdyq damu ministrı Asqar Umarov myrzaǧa Qazır qoǧamda tötenşe jaǧdailardan, qantögıstı oqiǧalardan keiın bızdıŋ qūqyq qorǧau oryndarynyŋ köp jaǧdaida asyra sılteuge, tek aiyptau men jazalauǧa baryp jatqany jiı aitylyp jatyr. Al mūnyŋ qoǧamda, halyqaralyq deŋgeide terıs pıkır tuǧyzatynyn, halyqtyŋ narazylyǧyn qaitadan örşıtetının, tıptı halyq pen küştık qūrlymdardyŋ arasyna jık salatynyn eskere bermeitını ökınıştı. Būqaralyq aqparat qūraldary turaly zaŋda körsetılgenındei, jurnalist kuälıgın, aiyrym belgısın körsetu arqyly dülei zılzalalar audanynda, beibıt jinalystarda, sondai-aq qoǧamdyq, toptyq jäne jeke müddelerdı bıldırudıŋ özge de nysandary kezınde boluǧa qūqyly. Elımızdıŋ ärtürlı aimaqtarynda bolǧan, myŋdaǧan adamdar qatysqan jiyndardan, mitingıleren aqparat taratqan, käsıbi mındetterın atqarǧan jurnalister men blogerler zaŋmen qorǧaluy tiıs. Jurnalisterdıŋ zaŋdy käsıptık qyzmetıne kedergı jasau QR zaŋdarynda belgılengen jauaptylyqqa äkep soǧatynyn bıle tūra, polisiia, prokuratura qyzmetkerlerı jurnalisterdıŋ jūmysyna kedergı keltıruge, özınıŋ azamattyq közqarasyn aşyq aitqany üşın qudalauǧa ūşyratuy būrynnan jalǧasyp kele jatyr. «Estitın memleket» qaǧidasyna sai osy kereǧarlyqa tosqauyl qoiylsa. Eskıden qalǧan būl ädettı toqtatpaiynşa, şynaiy söz bostandyǧyna, demokratiiaǧa jol aşylmaidy. Osy rette Almatyda jäne köp qalalarda bolǧan beibıt şerulerge jeke azamattyq ūstanymyn körsetıp qatysqan jäne de şeruler barysynan habar taratyp, özınıŋ käsıbi qyzmetın ıstegen jurnalister arasynda qamauǧa alynǧan ärıptesterımız turaly aimaqtardan habarlar kelıp jatyr. Būl – jurnalister qauymyn alaŋdatyp otyr. Elımızde bolǧan oqiǧalar kezınde özınıŋ käsıbi qyzmetı barysynda jäne jeke azamattyq közqarasyn beibıt bıldıru kezınde ūstalǧan jurnalisterge qatysty ısterdıŋ ädıl tergeluın sūraimyz! Eger qamau alynǧan jurnalisterge qandai da bır aiyp taǧylmaǧan bolsa, ūstau merzımı 48 saǧattan assa, olardyŋ dereu bosatyluyn talap etemız! Elde bolǧan oqiǧalar kezınde ūstalǧan jurnalister taǧdyryna uäkılettı organ – aqparat jäne qoǧamdyq damu ministrlıgınıŋ araşa tüsuın jäne olarǧa qatysty qozǧalǧan ısterdıŋ ädıl ärı aşyq boluyn nazarynda ūstauyn ötınemız! Barşa ärıptester men BAQ-ty oqiǧalar kezınde ūstalǧan ärıptesterımızdı qoldauǧa şaqyramyz! “Qazaq Media Assosasiiasy” zaŋdy tūlǧalar bırlestıgı Bırlestık qūramyna enetın BAQ qūraldary: dalanews.kz 7kun.kz malim.kz arasha.kz qazaqtimes.kz baribar.kz abai.kz adyrna.kz ult.kz Bugin.kz Kznews.kz“Adyrna” ūlttyq portaly
