Jalpyulttyq Aza kúni barsha qazaqstandyqtarǵa kúni keshe bolǵan qaıǵyly oqıǵalarǵa qatysty kóńil aıtamyn!
Qazaqstan osy kúnderi buryn-sońdy bop kórmegen tragedııany bastan keshirdi.
Armııa men polıııaǵa, arnaıy qyzmetter men basqa da kúshtik qurylymdarǵa jyl saıyn orasan zor qarjy bóletin memleketimizde mundaı jappaı terrorıstik áreket qalaısha oryn aldy? Osy kúnderi Almaty sekildi arý qalamyz nege búlikshilerdiń qolyna bere salyndy? Keń aýqymdy ári aldyn-ala josparlaǵan, aımaqtarda sınhrondy sıpat alǵan terrorlyq áreketterdiń bir myqty, uıymdyq jáne qarjylyq qaýqary zor ortalyqtan basqarylyp otyrýyna qalaı jol berildi?
Búgin ODKB sammıtinde Toqaev oqıǵaǵa óz dıagnozyn qoıyp, «memlekettik tóńkeris jasaý áreketi» dep atady. «Osynyń bárin bıliktiń ózi uıymdastyrdy» degen aıyp taǵylmaýy úshin ókimet taıaý arada tóńkeriske qatysty barlyq materıaldar men faktilerdi jarııa etýi tıis!
«Bizdi, ashyq saıası oppozıııany ańdısyńdar da, shyn mánindegi memleket jaýlarynan, óz ishterińde jáne syrtta astyrtyn áreket jasap júrgen búlikshilerden kóz jazyp qalasyńdar!», - dep bılikke talaı aıtqanmyn da! Sol aıtqanym keldi!
Sonymen birge, óziniń konstıtýııalyq quqyn qorǵap, beıbit mıtıngke shyqqan azamattar men tapa-tal túste adam aıtqysyz jaýyzdyqqa baryp, kisi óltirgen naǵyz bandıtterdi eki bólek qarastyrý kerek dep sanaımyn!
Osy kúnderi tutqyndalǵan azamattardyń ishindegi beıbit mıtıngke shyǵyp, buzaqylyq jasamaǵandar dereý bosatylýy tıis dep sanaımyn! Olar ózderiniń konstıtýııalyq quqyn paıdalandy.
Terrorızmge qarsy kúres demokratııaǵa qarsy kúreske ulaspaýy tıis! Terrorıster syrttan kelse de, bolǵan oqıǵanyń basty sebepteri óz ishimizde! Bılik sony túsinýi kerek!
Máselen, elbasy Nursultan Nazarbaevtyń osy kúnderi únsiz qalýy, el Táýelsizdigine qaýip tóngen sátte halqyn, prezıdentti qoldap efırge shyqpaýy da ártúrli oılarǵa, sonyń ishinde, bas bılik ishinde bolýy yqtımal teketires týraly joramaldarǵa jeteleıdi. Nazarbaevtyń otbasy músheleriniń de daýsy estilmeıdi.
Erteń prezıdent eldegi jaǵdaıdy túzeý jolyndaǵy óz usynystaryn aıtamyn dep jatyr. Jańa úkimet jasaqtalady.
Menińshe, prezıdent bir nárseni túsinýi kerek: qańtar oqıǵasynan keıin biz múldem basqasha elde ómir súrip jatyrmyz! Qoǵamdyq sana adam tanyǵyzsyz ózgerdi! Mine, dál osyndaı asa mańyzdy ózgeris - prezıdenttiń múldem jańa reformalardy qolǵa alýyna moraldyq-psıhologııalyq, saıası-áleýmettik negiz bola alady. Osy tarıhı múmkindikti ol paıdalana ala ma, joq pa – ony erteńgi sózi kórsetedi.
Eger de pandemııa kezinde jurt densaýlyqtyń qadirin túsinse, keshegi qandy oqıǵadan keıin adamdar beıbit ómir men tynyshtyqtyń shynaıy baǵasyn uǵyndy!
Saıası proess turǵysynan aıtsaq, Táýelsizdik, memlekettilik pen halyqtyq múddeni saıası konıýnktýra men bılik úshin talastan bıik qoıatyn kúshter kóbeıe tústi.
Osy kúni, baıqaımyn, prezıdenttiń syn saǵattaǵy qımyl-áreketin negizinen óz partııalastary qoldap jatyr. Menińshe, osynaý jaýapty kezeńde prezıdent Toqaev óz mańyndaǵy jeke toptar men tulǵalarǵa emes, shynaıy demokratııalyq ózgeristerdi qalaǵan plıýralıstik qoǵamǵa súıenýi kerek!
Sonyń alǵashqy qarlyǵashy jańa úkimettiń quramy bolýy tıis dep sanaımyn! Osy jyldar boıyna eldi osyndaı keshendi daǵdarysqa jetkizgen shendiler óz oryndaryna qaıtadan qonjıyp otyra qalsa, ol – reformalardyń o bastan óli bolatynynyń kepili!
Sóıtip, Toqaevtyń búgingi jeńisi Pırr jeńisi bop qalýy múmkin!
Sol sebepti parlamenttegi erteńgi sózinen men dál osyndaı sıgnal, dál osyndaı tańdaý kútemin!
Osy kúnderi halqymyzdyń basyna kún týdy. Shańyraǵymyz shaıqala jazdady.
2019 jylǵy prezıdent saılaýynda men de dál osylaı bolaryn bilip, eldi sabyrlyqqa, revolıýııalyq emes, evolıýııalyq jolmen damýdy tańdaýǵa shaqyryp edim. Sol kezde biraz adam meni túsinbedi.
Ishki jáne syrtqy qaýipter áli de tónip turǵan kezde men taǵy da qazaqstandyqtardy birlikke, el Táýelsizdigi men jer tutastyǵyn, memlekettigimizdi bas maqsat-múdde retinde tańdaýǵa, saıası ustanymdarymyz árqıly bolsa da, osy abyroıly jolda birge bolýǵa shaqyramyn.
Búgingi tańda terrorızmmen kúresip jatqan bıliktiń, sonyń ishinde, prezıdenttiń qarsylastary áli de bar sekildi. Ony keıbir shendiler men saıasatkerlerdiń sózderi men únsiz qalýy, naqty áreketi men qımylsyz qalýy ap-anyq kórsetti.
Sonymen qatar, 30 jyl boıyna qordalanyp qalǵan qarama-qaıshylyqtardy bir kúnde, bir arnaıy operaııamen sheship tastaý múmkin emes.
Sondyqtan da prezıdenttiń elde tártip ornatyp, búlikshilerdi joıý jolyndaǵy qımyl-áreketin qoldaý kerek. El ishinde tynyshtyq ornatyp alaıyq, qalǵan máselelerdi sosyn sheshe jatarmyz.
Qańtar basynan prezıdent Toqaev shyn mánindegi el basshysyna aınalyp keledi.
Sonymen birge, naqty ókilettikter naqty jaýapkershilik degen sóz!
Eger de qoǵam qoldasa, prezıdent qoǵam ómirin jaqsartý jolyndaǵy ózi aıtyp júrgen maqsattaryna jete alady. Qoǵam qoldamasa, ondaı jumys ónbeıdi.
10 qańtar 2022 jyl
