Bügın, 11 qaŋtarda saǧat 11:15-te memleket basşysy Qasym-Jomart Toqaevtyŋ qatysuymen Parlament mäjılısınıŋ otyrysy öttı. Jiynda Memleket basşysy elımızdıŋ jaŋa Premer-ministrınıŋ kandidaturasyn ūsyndy. Sondai-aq elımızde oryn alǧan qaiǧyly jaǧdaida, bassyzdyq ärekettıŋ saldarynan tuyndaǧan zardaptardy, saiasi jäne äleumettık-ekonomikalyq salalardaǧy özektı mäselelerdı şeşu boiynşa auqymdy baiandama jasady, dep habarlaidy "Adyrna" ūlttyq portaly.
Tıkelei efirde ötken baiandamany QazİTU ūjymy da jūmyla tyŋdady. Universitet ūjymy el basyna kün tuǧan syndarly sätte Prezident Qasym-Jomart Toqaevtyŋ halyqqa joldaǧan ündeuınde bolaşaǧymyzdyŋ jarqyn bolatynyna uäde bergenı bärımızdıŋ köŋılımızge senım ūialatty deidı. Sondyqtan Memleket basşysy tarapynan atqarylyp otyrǧan sanaly qadam men igı bastamalardy tolyqtai QazİTU ūjymy qoldaidy.
Sonymen qatar, universitet basşysynyŋ aituynşa, qoǧam aldyndaǧy jauapkerşılıktı, örkenietke qosar ülesın Qazaqstan injenerlık-tehnologiialyq universitetı ūjymnyŋ ärbır müşesı sezınedı. Elımızdıŋ örkendeu jolynda ūjym bolyp bır jaǧadan bas, bır jeŋnen qol şyǧaryp, adal eŋbegımen üles qosady.
- Memleket basşysy Qasym-Jomart Toqaev beine bailanys arqyly Parlament mäjılısınıŋ otyrysyna qatysyp, elımızdegı saiasi jäne äleumettık-ekonomikalyq salalardaǧy özektı mäselelerdı şeşu boiynşa auqymdy baiandama jasap, naqty tapsyrmalar berdı. Elımızdıŋ maqsaty aiqyn. Memleket basşysy baiandamasynda bılımdılık, zamanaui synaq-qauıpter men trendterge sapaly, tūraqty jäne ädıl bılım beru arqyly jauap beretındıgıne de toqtaldy. Jastardyŋ mäselelerın jan-jaqty qarastyryp, alǧaşqy jūmys orny, eŋbekke aralasuyna män berıldı. Äleumettık qoldaudy qajet etetın jastarǧa grant bölu mäselesı de köterıldı. «Qazaqstan halqyna» qoǧamdyq qoryn qūru turaly tapsyrmasy – kezek küttırmei şeşıluge tiıstı özektı äleumettık mäselelerdıŋ şeşımın tabuǧa ülken qoldau bolatyndyǧy sözsız. Jastardyŋ Otanyna degen süiıspenşılıgın arttyrudy otbasy, bılım beru mekemelerı, jalpy qoǧam bırlese atqaratyn kelelı mäsele ekendıgıne toqtaldy, - dep atady Qazaqstan injenerlık-tehnologiialyq universitetınıŋ rektory Gülnar Särsenbekova.
Sonymen qatar, universitet basşysynyŋ aituynşa, qoǧam aldyndaǧy jauapkerşılıktı, örkenietke qosar ülesın Qazaqstan injenerlık-tehnologiialyq universitetı ūjymnyŋ ärbır müşesı sezınedı. Elımızdıŋ örkendeu jolynda ūjym bolyp bır jaǧadan bas, bır jeŋnen qol şyǧaryp, adal eŋbegımen üles qosady.
- Elımızdıŋ basty qūndylyǧy – Täuelsızdıgımızdı közımızdıŋ qaraşyǧyndai saqtap, baiandy bolyp, jaŋa Qazaqstannyŋ damu jolynda Prezident kötergen mäselelerdıŋ şeşımın tabatyndyǧyna senemız, - deidı rektor.Osy oraida professor G. Kotoşeva: «Elımızde oryn alǧan laŋkestık toptardyŋ ūiymdastyruymen bolǧan, är qazaqstandyqtyŋ jadynda mäŋgı qalatyn qaiǧyly jaǧdaida, Memleket basşysynyŋ astarly saiasaty men jedel şeşımınıŋ arqasynda Egemen elımızdıŋ Täuelsızdıgın aman saqtap qaldyq. Būl da Prezidentımızdıŋ halyqpen bırge bolyp, qiyn qystau kezeŋde demeu berıp, qoldaǧany dep bılemın. Bügıngı baiandamany tyŋdai otyryp, beibıt bolaşaqqa degen jüregımızge senım oty ūialady. Aldaǧy uakytta Täuelsızdıgımız tūǧyrly, Egemendıgımız eŋselı bolatynyna tolyqtai senım bıldıremın», - degen pıkırın qosty. Qasym-Jomart Toqaev Parlament Mäjılısınıŋ otyrysynda söilegen sözınde «eŋ aldymen, elımızdıŋ jaŋa ekonomikalyq tūǧyryn qalyptastyrudy myqtap qolǧa alu qajet. Ekonomikalyq saiasatymyzdyŋ maqsaty – aiqyn. Būl – zaman talabyna sai äleumettık baǧdary bar naryqtyq ekonomika qūru jäne damytu» kerektıgın basa aitty. Memleket basşysy bılım beru salasynda ülken jandanu qajettıgın jetkızdı. Gumanitarlyq mamandyqtarǧa qaraǧanda endı tehnikalyq mamandyqtarǧa basymdyq berılu kerektıgı, injenerler men öndırısşılerdıŋ jaŋa buynyn daiyndau qajettılıgı aityldy. Būl öz kezegınde däl osy salada mamandar daiyndap otyrǧan Qazaqstan injenerlık-tehnologiialyq universitetıne ülken jauapkerşılık ekendıgın jetkızdı universitet basşylyǧy.
"Adyrna" ūlttyq portaly
