Qyrǵyzstannyń Bas prokýratýrasy Almatyǵa gastroldik saparmen kelgen djaz mýzykanty Vıkram Rýzahýnovty terrorıst dep jarııalap, ony moıyndatý úshin azaptaǵan qazaqstandyq qaýipsizdik qyzmetkerlerine qatysty qylmystyq is qozǵalady. Bul týraly eldiń ádilet mınıstrliginiń saıtynda habarlama paıda boldy, dep jazady "Adyrna" ulttyq portaly stan.kz-ke silteme jasap.
Vedomstvo Qazaqstan bıliginen er adamǵa zorlyq-zombylyq jasaǵandardy anyqtaýǵa prokýratýradan kómek kórsetýdi talap etti. Ádilet mınıstrligi oqıǵanyń mán-jaıyn anyqtaý úshin respýblıka basshylyǵyna resmı saýal joldady.
- Apellıaııalyq shaǵymǵa vıdeonyń taraýy sebep boldy. Vıdeoda fızıkalyq azaptaý izderi aıqyn baıqalady, – delingen mınıstrliktiń habarlamasynda.
Mınıstrliktiń paıymdaýynsha, Rýzahýnovqa qatysty is jalǵyz bolmaýy múmkin jáne basqa azamattar da osyndaı aıyppen arnaıy qyzmet túrmelerine jabylǵan. Ol barlyq qamaýǵa alynǵan qyrǵyzdarǵa qarsy jasalǵan árbir zorlyq-zombylyq jaǵdaıyn tekserýdi talap etetinine sendirdi.
- Azaptaýdy qoldanýǵa tyıym salý – árbir memlekettiń absolıýtti halyqaralyq mindeti. Mamandar men advokattardyń boljamdy jábirlenýshige kirýine jol bermeý fızıkalyq azaptaý derekteri men izderin jasyrý áreketi retinde qarastyrylady, – deıdi sheneýnikter.
8 qańtarda qazaqstandyq BAQ jappaı tártipsizdikten keıin ustalǵandardyń biri qaýipsizdik kúshterine shabýyl jasaǵanyn jáne tonaǵanyn moıyndaǵan jazbany taratqan. Ol ózin Qyrǵyzstannyń jumyssyz azamatymyn dep atap, 200 dollarǵa narazylyq sherýine qatysýǵa keliskenin málimdegen.
Er adamnyń denesinde zorlyq-zombylyq izderi anyq baıqalǵan. Kóp uzamaı onyń Bishkektegi djaz orkestriniń jetekshisi Rýzahýnov ekeni anyqtaldy.
Qyrǵyzstannyń Ishki ister mınıstrligi mýzykanttyń Almatyǵa gastroldik saparmen kelgenin málimdep, ony dereý bosatýdy talap etti. Bishkektegi Qazaqstan elshiliginiń janynda djazmendi qoldaý mıtıngi ótti, Rýzahýnovtyń áriptesteri onyń ustalýyn absýrd dep atady. 10 qańtarda er adam qamaýdan bosatyldy.
"Adyrna" ulttyq portaly
