Almatyda ekı ekstremistık toptyŋ közı joiyldy. Būl turaly Qazaqstannyŋ Ūlttyq qauıpsızdık komitetı mälımdedı, dep habarlaidy «Adyrna» tılşısı.
«2022 jyldyŋ 4 men 8 qaŋtar aralyǧynda Almaty qalasyndaǧy jappai tärtıpsızdıkke qatynasqan 2 ekstremistık top qūryqtaldy. 9-qaŋtarda, ekstremistık äreketke aldap-arbau, ekstremistık ūiymǧa basşylyq etu jäne oǧan qatysu, sondai-aq jappai qūqyqqa qaişy aksiialardy jürgızu küdıgımen bır ūiaşyqtyŋ 4 müşesı ūstaldy. Tūrǧylyqty mekenderın tekseru barysynda atylatyn qaru, dybys-jaryq granatalar, oq-därıler jäne dıni ädebietter zattai aiǧaq retınde tärkılendı»,– delıngen habarlamada.Ūiym jetekşısı halyqaralyq terroristık ūiymmen bailanysy bar, jappai tärtıpsızdıkke belsendı türde atsalysqan şetel azamaty bolyp tabylady. Tergeu tūjyrymy boiynşa, ol Qazaqstanǧa jappai qūqyqqa qaişy aksiialardy daiyndap, sondai-aq bilık organdary men qaruly qūrylymdarǧa şabuyl jasau üşın kelgendıgı anyqtaldy.
«Adyrna» ūlttyq portaly
