Prezident Qasym-Jomart Toqaevtyŋ töraǧalyǧymen şūǧyl äreket etu ştabynyŋ kezektı otyrysy öttı. Jiyn barysynda Bas prokuror, Ūlttyq qauıpsızdık komitetınıŋ töraǧasy jäne Işkı ıster ministrınıŋ mındetın atqaruşy tūlǧa baiandama jasady, dep habarlaidy «Adyrna» tılşısı Aqordaǧa sılteme jasap.
Memleket basşysyna qūqyq qorǧau organdary men Qaruly Küşterdıŋ elımızdegı qūqyqtyq tärtıp pen zaŋdylyqty qalpyna keltıruıne qatysty qabyldanǧan şaralar men öŋırlerdegı tötenşe jaǧdai rejimınıŋ saqtaluyn qamtamasyz etu jūmystary turaly baiandaldy. Blok beketter ornatylyp, ŪQŞŪ-ǧa müşe memleketterdıŋ bırıkken bıtımgerlık küşterıne bırqatar strategiialyq nysandy küzetu tapsyryldy. Küştık qūrylymdar eldı mekenderde «tazalau» jūmystaryn jalǧastyryp jatyr. Laŋkesterdıŋ ornalasqan jerın anyqtau, ūstau, olarǧa qatysty qūjattar men mälımetterdı jinau jäne tiıstı saraptama jasau jönınde şūǧyl şaralar atqaryluda.
Qazır 125 qylmystyq ıs qozǧalǧan. Polisiia organdaryna 5,8 myŋ adam jetkızılgen. Olardyŋ arasynda köptegen şeteldık azamat bar.Jiynda elımızdıŋ barlyq öŋırlerınde ahualdyŋ tūraqtanǧany, jaǧdaidyŋ baqylauǧa alynǧany jäne qūqyq qorǧau organdary äkımşılık ǧimarattardyŋ bärın laŋkesterden tazartqany turaly aityldy. Kommunaldyq jäne tırşılıkke qajettı basqa da nysandar qalpyna keltırılıp jatyr. Qasym-Jomart Toqaev küştık qūrylymdardyŋ elımızdegı qoǧamdyq tärtıp pen qauıpsızdıktı tolyq qalpyna keltıru üşın barlyq qajettı şaralardy qabyldaitynyn atap öttı. Otyrys barysynda Memleket basşysy tärtıpsızdıkterdıŋ saldarynan kelgen şyǧyndardy qalpyna keltıru üşın Ükımettık komissiia qūrudy tapsyrdy.
