Qazaqstanda ustalǵandardyń biri Almatydaǵy mıtıngige qatysýǵa 90 myń teńge usynylǵanyn málimdedi. Er adamnyń vıdeosyn Qazaqstan telearnasy kórsetti.
"Qańtardyń 1-inde belgisiz adamdar habarlasyp, 90 myń teńgege mıtıngige qatysýdy usyndy. Men Qyrǵyzstanda jumyssyz júrgendikten kelistim. Olar maǵan bılet alyp berdi. 2-si kúni (qańtarda - esk.) Almatyǵa ushyp keldim, meni páterge apardy. Onda men sııaqty Tájikstan, Ózbekstan azamattary boldy. Biraq olar ne týraly aıtyp jatqanyn túsinbedim. Mıtıng bastalǵanda qorqyp kettim. Páterge qaıtyp kelip, sonda túnedim. Erteńinde elge qaıtpaq bolǵanda áskerıler meni Samsy aýylynda (Jambyl oblysy - esk.) ustady", - dedi er adam.
Onyń aıtýynsha, Almatydaǵy páterde onǵa jýyq adam bolǵan. Oǵan qosa, memlekettik telearnalardyń biri ustalǵandardan tárkilengen qarý-jaraqty kórsetti.
