Almatyda 7 qańtarda tártipsizdikter kezinde 4 jasar qyz qaza tapty. Bul týraly balalar ombýdsmeni Arýjan Saın málimdedi, - dep habarlaıdy Tengrinews.kz tilshisi.
"4 jasar qyz qaza tapty. Jasóspirim qyz jaraqat aldy. Olar Seıfýllın men Sátbaev kóshelerimen qozǵalyp bara jatqan, kólik ishinde tórt bala men bir eresek otyrǵan. Oqıǵa 7 qańtarda boldy", - deıdi Arýjan Saın.
Ombýdsmenniń sózinshe, aqparatty ákimdik pen máıithanadan alyp jatyr.
Arýjan Saın Qazaqstannyń qaýipsizdigin qamtamasyz etýdegi Prezıdenttiń barlyq sheshimin qoldaıtynyn da aıtty.
"Biraq kóbi ózimizge baılanysty. Saq bolyńyzdar, quqyq qorǵaý organdaryna halyqty qorǵaýǵa múmkindik berińizder", - dedi ol.
“Adyrna” ulttyq portaly