Arnaıy qyzmetter Almaty oblysynda terrorızmge qarsy operaııanyń birinshi kezeńin ótkizdi. Oblys komendanty Serik Kúdebaev turǵyndardy tynyshtyq saqtaýǵa jáne úıden shyqpaýǵa shaqyrdy, dep habarlaıdy “Adyrna” ulttyq portaly Sputnik.kz saıtyna silteme jasap.
"Ahýal baqylaýda. Tirshilik úshin qajetti barlyq nysan shtattyq rejımde jumys isteıdi. Jaǵdaıǵa túsinistikpen qarap, sabyr saqtap, úıde bolýlaryńyzdy suraımyz", - dedi komendant.
Ol oblysta terrorızm qaýpiniń "qyzyl" deńgeıi engizilgenin eske saldy.
Taldyqorǵan aınalasynda blok beketter ornatylǵan. Avtokólik ıeleri ózimen birge jeke kýáligi jáne kólik qujatyn ala júrýge tıis. Tirkeý nómirinsiz júretin avtokólikterge qatań sharalar qoldanylatyn bolady, dep atap ótti komendant.
Zańdy talaptarǵa baǵynbaǵan jaǵdaıda, quqyq qorǵaý organdarynyń ókilderi qarý qoldanýǵa deıin qatań sharalar qabyldaıdy", - dedi komendant.
”Adyrna” ulttyq portaly
