Mäjılıs deputaty Baqytbek Smaǧūl eldegı jappai narazylyq kezınde adam şyǧynyna jol bermeu kerek ekenın aitty, dep habarlaidy “Adyrna” ūlttyq portaly Sputnik Qazaqstan saityna sılteme jasap.
Jurnalister mäjılıs kuluarynda deputat Baqytbek Smaǧūldan elde 2011 jyly Jaŋaözende bolǧan oqiǧa qaitalanbai ma dep sūrady.
"Ol qaitalanuǧa tiıstı emes. Jaŋaözen oqiǧasy bızge ülken sabaq boluǧa tiıs. Onyŋ bır ret bolǧany jetkılıktı emes pe. Adam ömırınen maŋyzdy ne bar. Soǧan äkelmeu kerek, arandatuşylarǧa ermeu kerek. Qarapaiym halyqqa zaŋ jüzındegı talabyn jalǧastyruǧa eşkım de şek qoia almaidy. Alaida sony paidalanyp, qoqan-loqqy körsetuge bolmaidy, tıptı ol äskeri adam bolsyn. Qarapaiym halyq özge jat jerdegı adamdarǧa senıp, alaŋdy paidalanyp şyǧa salyp, oǧan ermeuı kerek", - dedı mäjılısmen.Al basbūzarlyqqa būryp jatsa, onda tärtıpke şaqyruǧa tiıspız. Öitkenı qoǧamda basqa da adamdar bar. Olardyŋ barlyǧyna bızdıŋ tūraqtylyǧymyz auadai qajet. Tūraqtylyq bärıne de kerek, dep jalǧastyrdy Smaǧūl. BAQ ökılderı Smaǧūldan "halyq mäjılıs ketsın degen talap qoisa, ketuge daiynsyz ba" dep sūrady.
"Men ärqaşan da "qūp bolady" deimın. Men būlarǧa bailanyp qalǧan adam emespın. Osy jerde qoǧamǧa kışkentai da bolsa paidamyz tisın degen oimen jürmız", - dedı deputat.Baqytbek Smaǧūl deputattar ärqaşan halyqpen bırge ekenın mälımdedı.
“Adyrna” ūlttyq portaly
