3 qańtarda 14 jastaǵy jasóspirim iz-tússiz joǵalyp ketken. Qazir ony dárigerler tekserip, ata-anasyna tapsyrdy, dep habarlaıdy "Adyrna" ulttyq portaly.
Qostanaı oblysy ákiminiń baspasóz qyzmeti habarlaǵandaı, en dalada joǵalyp ketken jasóspirim tabyldy.
3 qańtarda 14 jastaǵy Kırıll Dýkart úıirdiń sońynan atpen ketip, joǵalyp ketken, dep jazady alau.kz.
Izdestirý-qutqarý jumystaryna Tótenshe jaǵdaılar qyzmetiniń polıııa qyzmetkerleri, kınologııalyq qyzmet kórsetý ortalyǵynyń qyzmetkerleri, eriktiler men jergilikti atqarýshy organdar jumyldyryldy. Barlyǵy 110 adam, 26 tehnıka jumyldyrylǵan.
Saǵat 23:46 shamasynda bala Maıkól aýyldyq okrýgine qarasty Shemınovka aýylynan tabyldy.
Kırılldiń aıtýynsha, qarly borannyń kesirinen ol adasyp, qaıtar jolyn taba almaı, saǵat 23:30-da Shemınovka aýylyna adasyp, birinshi kezdesken úıdi qaǵyp, jylynyp alýyn ótingen. Sol jerden olar keıin joǵalǵan adamnyń tabylǵany týraly habarlady.
Balany dárigerler tekserip, ata-anasyna tapsyrdy. Onyń jaǵdaıy turaqty dep baǵalanýda.
"Adyrna" ulttyq portaly