Qudaı taǵala qazaqqa ólsheýsiz baılyq berdi. Jeriniń túgin tartsań maıy shyǵady. Asty kenish. Biraq sonymen qatar jemsaýyna salsań jer shary syıatyn jemqorlardy da bergen eken. Bir kem dúnıe degen osy. Áıtpese, munaı shyǵaratyn elde gaz ben benzın qymbat degen ne sóz?
Otyz jylda baı men kedeıdiń arasy tym alshaqtap ketti. Bul óte qaýipti qubylys! Eger kásip qylyp baıysa daý joq. Bizdiń baılardyń jobamen 80 paıyzy bıligin asyra paıdalanyp hám jemqorlyqpen baıyǵandar. Halyqtyń nesibesin jedi. Al halyq degen Qudaıdyń bir aty.
Qazaqstannyń bar baılyǵy azǵantaı toptyń qolynda. Halyq ash. Munaı baǵasy kóterilse aılyq ta kóterilý kerek. Zeınetaqy da. Muǵálim men dárigerdiń aılyǵy kóterilip jatqanmen ózge jumyskerlerdiń aılyǵy kóterilip jatqan joq. 50000 teńgege jumys istep, jan baǵyp júrgender bar. Endi qalǵan segiz jylda 2030 bolyp, iske asyp ketedi-aý dep oılamaımyn! Jańaózendegi daýys búkil qazaqtyń daýysy! Men jańaózendiktermen birgemin!
Antımonopolııamen birge memlekettik kommıssııa qurylyp, bul qymbatshylyqtyń sebebi anyqtalýy kerek. Eger artynda jer sharyn jutqysy keletin jegiqurttar tursa olar zańmen jaýap berýleri tıis! Estıtin Úkimet halyqtyń jan aıqaıyn estimese Kereń bolǵany da.
Aýrýyn jasyrǵan óledi. Bizdiń bılik otyz jylda ketken qateliktiń bárin ashyq moıyndap, jańa reforma jasaýy kerek. Jemqorlardyń oryny minbe emes, túrme!
