Pavlodar oblysynda syrtqy jelilerdi tartý jáne turǵyn úı keshenin abattandyrý jumystary kezinde qarjy jymqyrylǵany anyqtaldy, - dep habarlaıdy “Adyrna” ulttyq portaly Qarjylyq monıtorıng agenttigine silteme jasap.
Qarjylyq monıtorıng agenttigi málimetinshe, Pavlodar oblysy boıynsha aýmaqtyq departament qyzmetkerleri Pavlodar qalasyndaǵy "Saryarqa" turǵyn úı keshenine syrtqy jelilerdi tartý jáne abattandyrý kezinde, sondaı-aq Lenınsk qalasyndaǵy deneshynyqtyrý-saýyqtyrý keshenin salý kezinde qarajy jymqyrylǵanyn anyqtaǵan.
"A.Ahmetov bıýdjet qarajatyn jymqyrý maqsatynda 2016-2017 jyldary "AzııaSpeStroı" JShS, "Man-Qoja" JShS jáne "Reper-SK" JShS-ny alyp, olardy basqa tulǵalar atyna tirkep, keıin osy kásiporyndar atynan memlekettik satyp alýǵa qatysqan. Ahmetov aldyn ala sóz baılasý arqyly Bekeevpen, Kúltumanovpen, Saǵynaevpen jáne Ǵabbasovpen memlekettik satyp alý týraly sharttar boıynsha oryndalǵan jumystardyń is júzinde oryndalmaǵan aktisine qol qoıyp, osylaısha memleketke jalpy somasy 59 mıllıon teńgeden asa zalal keltirildi", - delingen habarlamada.
Baspasóz qyzmeti málimetinshe, Ahmetov segiz jylǵa, Bekeev úsh jylǵa, Kúltumanov, Saǵynaev jáne Ǵabbasov eki jyldan úsh jylǵa deıin bas bostandyǵyn shekteýge sottalǵan.
”Adyrna” ulttyq portaly
