Temirjolda balalardyń qatysýymen qaıǵyly jaǵdaılar jıilep ketti – sońǵy úsh kúnde eki jasóspirim qaıtys boldy.
Máselen, aǵymdaǵy jyldyń 25 jeltoqsanynda Taraz stanııasynda poıyz vagonynda selfı jasaý áreketi kezinde 15 jastaǵy jasóspirim túıispeli symdaǵy toktan qaza tapty.
Osyǵan uqsas oqıǵa búgin, aǵymdaǵy jyldyń 27 jeltoqsanynda Almaty stanııasyndaǵy qabyldaý-jóneltý parkinde oryn aldy. Selfı jasaǵan eki jasóspirim joǵary kerneýli tok razrıadyn aldy. Olardyń biri sol jerde qaıtys boldy. Atalǵan faktiler boıynsha tergeý amaldary júrgizilýde.
«QTJ» UK» AQ qazaqstandyqtarǵa temirjol kóligi nysandarynda muqııat bolýdy jáne óz ómirlerine qaýip tóndirmeýdi suraıdy.
Temirjol kóligi – jeke qaýipsizdik erejelerin qatań saqtaýdy qajet etetin qaýipti aımaq. Jaıaý júrginshiler kópirlerin, tósemderdi paıdalana otyryp, jaqyndap kele jatqan poıyzdyń joqtyǵyna kóz jetkizip baryp, belgilengen oryndardan temir joldaryn kesip ótý qajet. Temirjoldarda, poıyz vagondarynda foto jáne beıne túsirmeńiz. Joǵary kerneýli symdardyń janynda, perrondarda, súriný ońaı qaýipti jerlerde sýretke túsýge qatań tyıym salynady. Eshqandaı da keremet kadr densaýlyǵyńyzǵanemese ómirińizge tatymaıdy.
«Qazaqstan temir joly» UK» AQ baspasóz qyzmeti
