Túrkistan oblysy Báıdibek aýdany ákiminiń orynbasary Aıken Temir alaıaqtyq jasaǵany úshin sottaldy, dep habarlaıdy "Adyrna" ulttyq portaly sybaılas jemqorlyqqa qarsy qyzmetke silteme jasap.
«2021 jylǵy 27 jeltoqsanda Shymkent qalasy Qarataý aýdandyq sotynyń úkimimen Túrkistan oblysy Báıdibek aýdany ákiminiń orynbasary Temir A. Qazaqstan Respýblıkasy Qylmystyq kodeksiniń 190-baby (alaıaqtyq) boıynsha aıypty dep tanylyp, oǵan 14 mıllıon teńge kóleminde aıyppul salý, ómir boıyna memlekettik qyzmette laýazymdardy atqarý quqyǵynan aıyrý jazasy taǵaıyndaldy», - dep habarlady jemqorlyqqa qarsy qyzmet.
Temir Túrkistan oblysy Báıdibek bı aýdanynda front-ofıs qurylysyn salýǵa kelisim-shart boıynsha JShS dırektorynan 22 184 000 teńge kóleminde aqsha aýdaryp, alaıaqtyq jasady dep kúdikteldi.
"Adyrna" ulttyq portaly
