Premer-mınıstr Fýmıo Kıshıda Aıǵa qoný AQSh-pen birlesip júzege asyrylatyn aımaqtaǵy jáne jer seriginiń betindegi keń aýqymdy is-sharalar baǵdarlamasy aıasynda josparlanǵanyn málimdedi, dep habarlaıdy "Adyrna" ulttyq portaly.
TASS agenttiginiń habarlaýynsha, jeltoqsan aıynda Japonııanyń aeroǵaryshtyq zertteýler agenttigi (JAXA) osy josparlardy júzege asyrýǵa qatysatyn astronavttardyń jańa toptamasyna qatysýǵa ótinimderdi qabyldaýdy bastady. Baıqaý kelesi jyldyń 4 naýryzyna deıin jalǵasady.
JAXA astronavtar korpýsynda qazirdiń ózinde jeti adam bar ekeni, bul top músheleriniń ortasha jasy 52 jas ekeni atap ótildi. Aıdyń belsendi zerttelýi kútiletin 2030 jyldarǵa qaraı olardyń ekeýi ǵana qatarda qalady, qalǵandary zeınetke shyǵýǵa májbúr bolady.
2019 jyldyń kókteminde Amerıka Qurama Shtattarynyń Ulttyq aeronavtıka jáne ǵarysh basqarmasy (NASA) Artemıda Aıdy zertteý jáne barlaý baǵdarlamasynyń jobasyn jarııalady. Onyń úshinshi kezeńinde ǵaryshkerlerdi Jer serigine qondyrýdy shamamen 2020 jyldardyń sońynda júzege asyrý josparlanǵan bolatyn.
Tokıo 2019 jyly Amerıkanyń Aı baǵdarlamasyna qosylý týraly sheshimin jarııalady. Japonııanyń Bilim, mádenıet, sport, ǵylym jáne tehnologııalar mınıstrligi men NASA Jerdiń tabıǵı serigin barlaý salasyndaǵy yntymaqtastyq týraly kelisimge qol qoıdy. Áńgime qural-jabdyqtardy jetkizý, Aı betindegi derektermen almasý, Aıǵa roverdi birlesip jasaý, sondaı-aq japondyq astronavttardy Aıǵa jiberý múmkindigi týraly boldy.
"Adyrna" ulttyq portaly
