Pavlodar oblysynda tasjolda oqýshylar tasymaldaıtyn avtobýs órtenip ketti. Oqıǵa kezinde kólikte 6 bala bolǵan, - dep habarlaıdy “Adyrna” ulttyq portaly Tengrinews.kz saıtyna silteme jasap.
Pavlodar oblysy TJD baspasóz qyzmeti málimetinshe, oqıǵa 23 jeltoqsanda tústen keıin Efremovka jáne Danılovka aýyldary arasyndaǵy tasjolda bolǵan.
"Ashyq aýmaqta 2007 jylǵy GAZel tolyq janyp ketti. Órt aýmaǵy 8 sharshy metr boldy. Órt sóndirýshiler kelgenge deıin júrgizýshi men 6 bala evakýaııalandy", - dedi vedomstvo ókili.
Sondaı-aq, oqıǵa kezinde kólikte bolǵan órtsóndirgish qoldanylmaǵany naqtylandy.
"Aldyn ala málimetter boıynsha, órt shyǵýyna elektr symdarynyń qysqa tuıyqtalýy sebep bolǵan", - dep málimdedi Pavlodar oblysy TJD baspasóz qyzmeti ókili.
Oqýshylar zardap shekken joq. Áleýmettik jelilerde kýágerler oqıǵa ornyndaǵy vıdeolardy jarııalady. Vıdeodaǵy jazbada tálimgerdiń júrgizýshimen birge otyrǵany, al balalar ózderi esikti ashyp, sekirgeni aıtylady. Biraq oblystyq TJD baspasóz qyzmeti bul aqparatty rastaǵan joq.
“Adyrna” ulttyq portaly
