Meksıkadan Kanadaǵa deıingi jol álemdegi eń uzyn jáne qaýiptisi bolyp sanalady. Orta eseppen saıahatshylar ony jarty jylda eńseredi, al Áıgerim oǵan 4,5 aıyn ǵana jumsaǵan.
Daıyndyqqa eki jylǵa jýyq ýaqyt ketken. Qyz qajetti qural-jabdyq satyp alyp, jol sapar sholýlarymen tanysyp, qansha salmaqta júk alyp júre alatynyn eseptedi. Áıgerim ózimen birge shatyr, uıyqtaıtyn qap, tósenish, tamaq pen sý alyp júrdi.
Dittegen sońǵy núktege kóbinese barlyq saparlaýshylardyń úshten biri ǵana jetedi, óıtkeni jol óte kúrdeli. Saıahatshylar taý asýlarynan ótip, sýyq pen ystyqqa tózip, jaýyn-shashyndy kúnderdi de bastan keshedi. Olar keıde assyz, sýsyz qalýy múmkin.
Biraq Áıgerimniń aıtýynsha, bul alys sapardaǵy eń qorqynyshtysy emes, bárinen qaýiptisi – jolda jabaıy ańdardyń kezdesýi.
"Men qara aıýdy kezdestirdim, bul Vashıngtonda boldy. Ol da jol soqpaǵymen týra maǵan qarama-qarsy shyqty. Meniń basqan qadamdarymdy estimegen sekildi, óıtkeni ol maǵan eki metr qalǵanda kilt toqtady. Ol tez arada qashyp, tutqıyldan eki qolyn kóterip maǵan qarap turdy. Sóıtip meniń ne istep jatqanymdy baıqap kórdi. Al men tek sostıyp turdym, oǵan eshqandaı agressııa kórsetpedim, sodan keıin ol ary qaraı ketip qaldy", — deıdi saıahatshy Áıgerim Álimova.Ázirge Áıgerim úshin saıahat jasaý tek hobbı qana, biraq ol ony jobaǵa aınaldyrýdy josparlap otyr. Bolashaqta ol basqa tanymal týrıstik marshrýttardy da basyp ótpek.
"Adyrna" ulttyq portaly
