Turan elderi yntymaqtastyq keńesiniń VIII Sammıtiniń Ystambul qalasynyń ońtústik-shyǵysyndaǵy Mármar teńizinde ornalasqan Demokratııa jáne bostandyq aralynda ótkenin bilemiz. Atalmysh keńeske Qazaqstan, Ázerbaıjan, Qyrǵyzstan, Túrkııa, Ózbekstan, sondaı-aq baqylaýshy el retinde Túrikmenstan men Majarstan qatysty. Bul – túrki halyqtaryn odan ári jaqyndastyrý jolyndaǵy asa mańyzdy beles, tarıhı meje.
Demagogııalyq uran, popýlıstik rıtorıkadan arylyp, «Gıbrıdtik soǵystyń» uńǵyl-shuńǵylyna úńilip, ımperlik, órkenıettik negizdegi ulttyq ıdeıany shegelep shegendeıtin ýaqyt keldi. Túrki memleketteri uıymy – qaı baǵytty alsaq ta, alyp derjavalardyń satellıti bolmaı, túrki halyqtarynyń álem boıynsha kósh bastaýyna, korıfeı bolýyna úlken múmkindik.
Eń aldymen qolǵa alý kerek isterdiń qataryndaǵylar: teledıdar, gazet-jýrnaldar, radıo jáne ınternet. Túrki halyqtary empatııalyq qarym-qatynas qurý arqyly ózara aqparat almasý múmkindigin jetildire túsip, naqty jolǵa qoıý qajet. Ol úshin aqparattyq turǵydan joǵarǵy deńgeıde álemdik naryqqa shyǵa alatyn maman-sarapshylardyń, saıasatkerlerdiń, jýrnalısterdiń kóp bolǵany durys.
Halqymyzdyń keıbir toptarynyń ózge órkenıettiń qundylyǵymen sýsyndap otyrǵany jasyryn emes. Elimizdegi aqparattyq keńistigimizdi nyǵaıtý, ulttyq ımmýnıtetimizdi kúsheıtýdiń basty quraly – qazaq tili. Syrtqy ekspansııaǵa tótep beretin antıvırýsymyz – osy.
Qazaqstan jeriniń ıesi de, kıesi de memleket qurýshy ult – qazaq halqy. Táýelsizdigimiz tuǵyrly, memlekettigimiz ǵumyrly bolǵaı!
Qýanysh Jumabekuly
PhD doktory, «Qazaqstannyń 100 jańa esimi» jobasynyń jeńimpazy
