Täuelsızdık jyldarynda elımızde 1800-den astam mektep salyndy

Täuelsızdık kezeŋınde 1800-den astam mektep salyndy. Būl turaly Täuelsızdıktıŋ 30 jyldyǧyna arnalǧan saltanatty ıs-şarada QR Prezidentı Qasym-Jomart Toqaev aitty. «Balalardy balabaqşamen qamtu körsetkışı 1999 jyldan berı 10 ese östı. Täuelsızdık kezeŋınde 1800-den astam mektep salyndy. 21 Nazarbaev ziiatkerlık mektebı aşyldy. Bız kadr daiyndaudyŋ jaŋa täsılıne köştık», - dedı QR Prezidentı. Qasym-Jomart Toqaevtyŋ atap ötuınşe, memlekettık bılım beru tapsyrysy jyl ötken saiyn köbeiıp, soŋǧy 20 jylda onyŋ sany 5 ese ösken. «Kürdelı kezeŋge qaramastan «Bolaşaq» baǧdarlamasy jüzege asyryla bastady. Bılım beru salasynyŋ eŋ ozyq mekemesıne ainalǧan Nazarbaev Universitetı qūryldy. Ǧylym salasyn damytuǧa arnalǧan qarjy kölemı bırneşe ese artty. Sonyŋ arqasynda jaŋa instituttar men ǧylymi ortalyqtar aşyluda, jas ǧalymdardyŋ qatary köbeiude», - dedı Memleket basşysy.