«Men jáne Táýelsizdik» úzdik esse konkýrsy máresine jetti

2232

2021-jyldyń 14-jeltoqsanynda ál-Farabı atyndaǵy Qazaq ulttyq ýnıversıteti Shyǵystaný fakýlteti Taıaý Shyǵys jáne Ońtústik Azııa kafedrasy Qazaqstan Respýblıkasy táýelsizdiginiń 30 jyldyǵyna arnalǵan 4-kýrs stýdentteri men magıstranttar arasynda (arab, parsy, úndi jáne ýrdý tili toptary) jarııalanǵan «Men jáne Táýelsizdik» úzdik esse konkýrsynyń nátıjesin jarııalap jeńimpazdardy marapattady.

Konkýrstyń basty maqsaty stýdentterdiń patrıottyq sezimin arttyrý jáne Taıaý Shyǵys jáne Ońtústik Azııa kafedrasynda oqytylatyn tórt shyǵys tilderin (arab, parsy, hındı jáne ýrdý) oqıtyn stýdentterdiń oqıtyn shyǵys tilinde esse jazý qabiletin kórsetýine múmkindik berý bolatyn.

 

Úzdik esse konkýrsyna qatysqan 4-kýrs stýdentteri men magıstranttary Qazaqstan Respýblıkasy táýelsizdiginiń 30 jyldyǵyna arnalǵan esselerinde elimiz táýelsizdik jolynda qasiretke toly tarıhty bastan keshirgeni men ata-babalarymyzdyń janqııarlyq kúresi baıandaǵan.

 


Azattyq jolynda kúresken babalardyń erligin, táýelsizdikke jetý tarıhyn jáne ony bolashaq urpaqtyń eshýaqytta umytpaıtynyn áserli jáne sheber tilmen jetkize bilgen.

Sonymen qatar elimizdiń bolashaǵy bilimdi de ottaı jalyndaǵan ónerli jastardyń qolynda ekendigin erekshe atap kórsetken ár bir qatysýshy elimizdiń bolashaǵyn jarqynyraq etý úshin jan-jaqty bilim alyp, aıanbaı eńbek etýge árqashan daıyn ekendigin shynaıy baıandaýy men erkin oılarymen tánti etti.

Sonymen qatar úzdik esse konkýrsyna qatysýshylar arab, parsy, hındı jáne ýrdý tilderin jetkilikti ıgergendigi men oılaryn erkin jetkize alatyndyǵymen de erekshelendi. Konkýrsqa jiberilgen esselerdiń árqaısysy úlken marapatqa ıe jáne birinen-biri asyp túsetinin erekshe atap kórsetken jón.

Úzdik esse konkýrsynyń erejesine saı árbir shyǵys tilinde (arab, parsy, hındı jáne ýrdý) jazylǵan esselerge jeke-jeke syılyqtar taǵaıyndaldy. Nátıjede birinshi, ekinshi jáne úshinshi dárejeli dıplomdarmen jáne baǵaly syılyqtarmen arab, parsy, hındı jáne parsy tili toptarynyń jeńimpaz stýdentteri marapattaldy.

Atap aıtqanda birinshi dárejeli dıplommen Anes Adılbekov (arab), Merýert Kadırhanova (parsy), Ásel Asan (hındı) marapattalsa, ekinshi dárejeli dıplommen Rahııa Sabralıeva (arab), Áıgerim Bóribaeva (parsy), Nazerke Jarbosynova (ýrdý) jáne úshinshi dárejeli dıplommen Salman Qazıev pen Bakızat Kapenova (arab), Áıgerim Muratova (parsy) jáne Ýrýmova Toǵjan (hındı) marapattaldy.

Qorytyndylaı kele, konkýrsty uıymdastyrýshylar aldaǵy ýaqytta da úzdik esse konkýrsyn dástúrli túrde ótkizý kerek degen sheshimge toqtady.

Ǵalııa Ámzeqyzy Qambarbekova

Taıaý Shyǵys jáne Ońtústik Azııa

Kafedrasynyń aǵa oqytýshysy, f.ǵ.k.

 

Pikirler
Redakııa tańdaýy