Qazaqstan Ūlttyq Bankı TÁÝELSIZ QAZAQSTANǴA 30 JYL kolleksiialyq monetalaryn ainalymǧa şyǧardy, dep habarlaidy "Adyrna" ūlttyq portaly "QazAqparatqa" sılteme jasap.
Monetalardyŋ satylymǧa şyǧatyn künıne qatysty aqparat QŪB-tyŋ resmi saitynda qosymşa jariialanady. Nominaldary 5 000 jäne 500 teŋgelık kümısten jäne nominaly 100 teŋgelık melhiordan jasalǧan monetalar «Este qalatyn oqiǧalar men bırtuar adamdar» seriiasyn jalǧastyrady. TÁÝELSIZ QAZAQSTANǴA 30 JYL monetalarynyŋ dizainy bırtuar tarihi tūlǧalardyŋ portrettık beinelerı ornalastyrylǧan täuelsız Qazaqstannyŋ 1993 jylǧy ülgıdegı banknottarynyŋ bırınşı seriiasymen simvoldyq bailanysyn körsetedı. Kompozisiia vizualdy portrettık qatardy aiaqtap, memleket tarihyndaǧy mereitoilyq kezeŋdı logikalyq türde bıldıredı.Monetalardyŋ basty betınde (aversınde) nominaly, QŪB logotipı men monetanyŋ metalyn, synamasyn jäne massasyn bıldıretın jazu ornalasqan. Ainaldyra – QAZAQSTAN RESPÝBLIKASY • REPUBLIC OF KAZAKHSTAN jazuy bar. Monetalardyŋ ekınşı betınde (reversınde) – Qazaqstan Respublikasynyŋ Memlekettık tuy, Qazaqstan Respublikasynyŋ kartasy, portret qatary, qazaq kiız üiınıŋ (basqūr) dekory türınde oryndalǧan oiu-örnek taspasy jäne Qazaqstan Täuelsızdıgınıŋ 30 jyldyǧyn merekeleudıŋ resmi logotipı körınıs tapqan.
Monetalar: - 925/1000 synamaly kümısten, sapasy – «proof», massasy – 933 gramm (30 unsiia), diametrı – 100 mm, nominaly – 5000 teŋgelık, daiyndau taralymy – 300 dana; - 925/1000 synamaly kümısten, sapasy – «proof», massasy – 31,1 gramm, diametrı – 38,61 mm, nominaly – 500 teŋgelık, taralymy – 3 000 dana; - MN 25 melhior qospasynan, sapasy – rroof-like, massasy – 15 gramm, diametrı – 33 mm, nominaly – 100 teŋgelık, taralymy – 30 000 dana bolyp daiyndalǧan.Būl monetalardyŋ barlyǧy olardyŋ belgılengen qūny boiynşa Qazaqstan Respublikasynyŋ bükıl aumaǧynda tölemderdıŋ barlyq türı boiynşa, sondai-aq bank şottaryna esepteu üşın jäne Qazaqstan Respublikasynyŋ barlyq bankterınde audaru, ūsaqtau jäne aiyrbastau üşın qabyldanuǧa jatady. Kümısten jasalǧan monetalar memlekettık, orys jäne aǧylşyn tılderınde QŪB-tyŋ nömırlık sapa sertifikattary bar kädesyi oramynda şyǧarylady. Kolleksiialyq monetalar Qazaqstan teŋge saraiynda daiyndalǧan.
"Adyrna" ūlttyq portaly
