Toqaev: Ekonomıkasy qýatty, bedeli bıik memleketke aınaldyq

3937
Adyrna.kz Telegram

Memleket basshysy Qasym-Jomart Toqaev Táýelsizdik kúnine oraı memlekettik nagradalar tapsyrý rásiminde elimizdiń qysqa merzim ishinde qýatty memleketke aınalǵanyn atap ótti, dep habarlaıdy «Adyrna» tilshisi.

«Barshańyzdy qasterli Táýelsizdigimizdiń 30 jyldyq mereıtoıymen shyn júrekten quttyqtaımyn! Bul – ult mereıin ósiretin ulyq meıram.

Biz tarıh turǵysynan alǵanda qysqa merzim ishinde jańa Qazaqstannyń negizin qaladyq. Tuǵyry berik, ekonomıkasy qýatty, bedeli bıik memleketke aınaldyq.  Munyń bári, eń aldymen, Elbasy Nursultan Ábishuly Nazarbaevtyń kóregen saıasatynyń jemisi. Sonymen birge, búkil halqymyzdyń eren eńbeginiń nátıjesi.

Kez kelgen halyqtyń tabysqa jetýi azamattaryna baılanysty. Bul – ómirdiń zańy.

Adam kapıtaly myqty memleket barlyq qıyndyqty eńsere alady. Táýelsizdik kezeńinde halqymyz eldiktiń biregeı úlgisin kórsetti.

«Eńbek – yrystyń bulaǵy, baqyttyń shyraǵy» dep beker aıtylmaǵan. Shyn máninde, bizdiń búgingi jetistigimiz – barsha halqymyzdyń ortaq jeńisi. 

Jańa Qazaqstandy órkendetýge azamattarymyzdyń kóbi súbeli úles qosty.  Búgingi mereıli sátte elimizdiń barsha azamattaryna tabandy eńbegi úshin zor alǵys aıtamyn»,– dedi ol.

«Adyrna» ulttyq portaly

Pikirler