Óskemende Táýelsizdik monýmenti boı kóterdi

3363
Adyrna.kz Telegram

Premer-Mınıstr Asqar Mamın Shyǵys Qazaqstan oblysyna jumys saparymen baryp, Táýelsizdik monýmentiniń ashylýy saltanatyna jáne Qazaqstan Táýelsizdiginiń 30 jyldyǵyna arnalǵan saltanatty jıynǵa qatysty, dep habarlaıdy "Adyrna" ulttyq portaly. 

Táýelsizdik monýmenti elimizdiń tarıhyndaǵy jáne onyń qalyptasý kezeńindegi kóptegen dáýirlik oqıǵalardyń negizi, memleketimizdiń tutastyǵy men myzǵymastyǵyn beıneleıdi, dedi Asqar Mamın.

Eskertkishtiń bıiktigi – 15,7 m, dıametri – 10,9 m.Joǵarǵy bóliginde Qazaq handyǵynyń negizin salýshylar – Kereı men Jánibektiń músinderi, tómengi bóliginde Qazaqstannyń damý tarıhyn beıneleıtin barelef bar.

Eskertkishtiń ortalyq bóliginde úsh uly bıdiń – Tóle bıdiń, Qazybek bıdiń jáne Áıteke bıdiń músinderi, sondaı-aq Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń úsh tildegi sózi bar: « Qazaqstandy óz Otanym dep sanaıtyn árbir adamnyń eń uly maqsaty, eń qasıetti boryshy – Táýelsizdik týyn berik ustaý».

pamıatnık Ýst-Kamenogorsk

Táýelsizdik monýmentiniń ashylý saltanatyna Shyǵys Qazaqstan oblysynyń ákimi Danıal Ahmetov, Shákárim atyndaǵy memlekettik ýnıversıtetiniń professory, fılologııa ǵylymdarynyń doktory Arap Espenbetov, jazýshy Álibek Qańtarbaev pen jeńil atletıkadan Olımpıada chempıony Olga Rypakova jáne oblys jurtshylyǵynyń ókilderi qatysty.

Qazaqstan Respýblıkasy Táýelsizdiginiń 30 jyldyǵyna arnalǵan saltanatty sharada sóılegen sózinde Asqar Mamın Shyǵys Qazaqstan oblysynyń ónerkásiptik jáne aýylsharýashylyq áleýeti joǵary ekenin, búkil eldiń áleýmettik-ekonomıkalyq damýyna zor úles qosyp otyrǵanyn atap ótti.

Ýst-Kamenogorsk pamıatnık

1991 jyldan beri jalpy óńirlik ónim 25 ese ósti. Oblys búkil eldiń ónerkásip óniminiń 10%-ǵa jýyǵyn, Qazaqstan Respýblıkasynyń barlyq qaıta óńdeý ónimderiniń 11%-dan astamyn óndiredi.
Oblys elimizdegi jetekshi orynǵa ıe qýatty ındýstrııalyq ortalyq bolyp tabylady.

Indýstrııalandyrý baǵdarlamasy óńirde buryn óndirilmegen qosymsha quny joǵary ónimniń ondaǵan jańa túrin shyǵarýdy uıymdastyrýǵa múmkindik berdi.

Oblys ekonomıkasynyń mańyzdy salasy respýblıkanyń azyq-túlik qaýipsizdigin qamtamasyz etýge yqpal etetin agroónerkásip kesheni bolyp tabylady.

Kólik jáne ınjenerlik ınfraqurylym belsendi túrde jańartylýda, balabaqshalar, mektepter, medıınalyq jáne sport nysandary salynýda. Táýelsizdik jyldarynda 8 mıllıon sharshy metrden astam úı salyndy.

Ýst-Kamenogorsk akımatÓńirdiń 2025 jylǵa deıingi áleýetin damytý aıasynda metallýrgııa, hımııa ónerkásibi, agroónerkásiptik keshen, energetıka, jańartylatyn energııa kózderi, qurylys sııaqty keleshegi bar salalarda jalpy somasy 4,5 trıllıon teńgeni quraıtyn 200-ge jýyq mańyzdy ınvestıııalyq jobany júzege asyrý josparlanýda.

Saltanatty jıynda Shyǵys Qazaqstan oblysynyń ákimi Danıal Ahmetov te sóz sóıledi.

pamıatnık Ýst-Kamenogorsk

Memleket basshysy Qasym-Jomart Toqaevtyń jarlyǵyna sáıkes Qazaqstan Respýblıkasynyń Premer-Mınıstri Asqar Mamın Shyǵystyń aýyl sharýashylyǵy jáne ónerkásip kásiporyndarynyń basshylary men qyzmetkerlerine, bilim, densaýlyq jáne sport salasynyń qyzmetkerlerine memlekettik nagradalar tapsyrdy.

"Adyrna" ulttyq portaly

Pikirler