Reseı prezıdenti Vladımır Pýtın 9 jeltoqsanda Adam quqyqtary jónindegi keńes múshelerimen onlaın kezdesý barysynda belgili rejısser Aleksandr Sokýrovpen sózge kelip qaldy, - dep habarlaıdy “Adyrna” ulttyq portaly Meduza basylymyna silteme jasap.
Rejısser Reseıdiń búgini men bolashaǵyna qatysty el basshysynyń basqa ustanymyn bildirdi. Sondaı-aq, ol Reseıdiń «óte kúrdeli» syrtqy saıasat júrgizip jatqanyn, «kedeı el úshin bul óte qymbat bolyp kórinetinin» atap ótti.
«Bizdiń polkte áli de Belarýs, Ońtústik Osetııa, Abhazııa bar. Meniń túsinýimshe, biz Sırııaǵa kómektesýimiz kerek, sýbsıdııalanǵan ońtústik aımaqtarǵa kómektesýimiz kerek», - dedi rejısser.
Sokýrov Soltústik Kavkazda bolyp jatqan oqıǵalardy úlken «saıası, mádenı, ekonomıkalyq jáne emoıonaldyq» problema dep atady.
«Kavkaz monoulttyq bolyp barady, barlyq bılik jergilikti halyqtyń qolynda», - dedi rejısser.
Olar «barǵan saıyn» orystardy unatpaıtynyn, olarmen «qoshtasqysy keletinin» aıtty.
«Reseıde ne bolyp jatqanyn kóreıik, - dedi Sokýrov 15 mınýttyq baıandamasynyń sońynda.
- Bizben birge bir memlekette turǵysy kelmeıtinderdiń barlyǵyn bosataıyq. Óz ómirin bastaǵysy keletinderdiń barlyǵyna bostandyq bereıik. Óz armııamyzǵa kúsh-qýat tileımiz. Uzaq sóılegenime aıyp etpeńizder”,- dedi rejısser.
Pýtın Sokýrovqa oǵan kópshilik aldynda sóılemes buryn oılanýyn ótindi.
”Adyrna” ulttyq portaly
