(Almaty oblysynyń ákimi Qanat Bozymbaeqa)
El surasa , el bıler eleńdegen ,
Eldik saltym bar edi kónermegen .
Kónermesin sezemin denem menen ,
Kezder ótken bárine kónem degen .
Ulyna - uıa ,
Qyzyna - bolǵan tórkin ,
Eldiń erkin dalasy kóńil kórkim .
Bórkim shirkin keń edi kóp bas sıǵan ,
Kerek bop tur ózime endi óz bórkim .
Jeltoqsan bop taǵdyrdy bastan keshtim ,
Azattyqtyń aq jolyn ashqan kóshpin .
Iyqtaǵym - Táńirdiń teńbil doby ,
Oınamasyn bizdegi baspen eshkim .
Qarakermen qaterden qarǵyp ótken ,
Qaıran babam , urpaǵyń arly ne etken !..
Aǵaıynǵa atymdy túsip bergem ,
Aryp - ashyp kelgende arǵy betten .
El ataýyn ózgertse jabylǵandar ,
Jer ataýyn ózgertti qaǵynǵandar .
Synbasa da qaıysyp ókpemdi ezgen ,
Qaradala sekildi qabyrǵam bar ...
Zaman qalaı ózgerdi , baıqadyńdar ,
Adam qalaı ózgerdi , baıqadyńdar .
Dala degen kózi ǵoı qart babańnyń ,
Qarttyń kózin ózine qaıtaryńdar !
Seniń daǵy bilemin aıtaryń bar ,
Meniń daǵy bile júr aıtarym bar .
Qaradala - kózim ǵoı mańdaıdaǵy ,
Óz kózimdi ózime qaıtaryńdar !!!
