Táýelsizdik jemisi: Shymkentte elimizde tuńǵysh ret ashylǵan qazaq tilin oqytý ortalyǵy bar

212
Shymkentte elimizdegi tuńǵysh ret qazaq tilin oqytý ortalyǵy ashylǵan bolatyn. Ortalyq jaıynda kópshilik naqty bilmeýi múmkin. Oqyrmandarǵa keńirek tanystyrýdy jón kórdik.  
Shymkent qalalyq tilderdi oqytý-ádistemelik ortalyǵy QR Tuńǵysh Prezıdenti N.Nazarbaevtyń 1996 jylǵy 4 qarashadaǵy №3186 Ókimimen maquldanyp «Qazaqstan Respýblıkasy Til saıasatynyń tujyrymdamasyn» iske asyrý maqsatynda Shymkent qalasy ákiminiń 1997 jylǵy 31 qańtardaǵy №152 sheshimimen «Memlekettik tildi mindetti jáne aqysyz oqytý ortalyǵy» retinde qyzmetin bastady.
Ortalyqta QR Premer-Mınıstriniń 2018 jylǵy 13 naýryzdaǵy №27-Ó ókimimen bekitilgen «Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý» is-sharalary, «Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasyna» sáıkes josparly ındıkatorlardy oryndaý maqsatynda jumystar júrgizilýde.
Mekemeniń negizgi jumys baǵyttaryna toqtalyp ótsek. Tilderdi oqytý-ádistemelik ortalyǵynda búginde memlekettik jáne memlekettik emes mekemeler, kásiporyndar men basqa uıymdar qyzmetkerlerine, sonymen qatar jeke tulǵalarǵa qazaq, orys jáne aǵylshyn tilderin oqytý;  «Memlekettik tilde is-qaǵaz júrgizý», «Latyn grafıkasyn oqytý», kýrstary men nasıhattaý sharalaryn  uıymdastyrý; Til úırenýshilerdiń tilderdi belgili bir deńgeıde qıyndyqsyz meńgerý úshin qajetti oqýlyqtar, oqý-ádistemelik jáne kómekshi oqý quraldary men sózdikter ázirlep, baspadan shyǵaryp, qamtamasyz etý jumystary atqarylýda. 
Sondaı-aq, memlekettik tildiń qoldanylý aıasyn keńeıtý, onyń mańyzy men mártebesin kóterý, til mádenıetin kóterý maqsatynda túrli is-sharalar, semınar-keńester, ǵylymı-praktıkalyq konferenııa, aqparattyq saǵattar men baıqaýlar uıymdastyrylady. 
Búginde ortalyq qyzmetkerleriniń qajyrly eńbeginiń arqasynda til úırenýshiler respýblıkalyq baıqaýlarǵa qatysyp, kóptegen júldeli oryndarǵa ıe bolyp, ortalyqtyń mártebesin kóterýde. 
 
Pikirler
Redakııa tańdaýy