OQO-da marqumdardyń súıekteri ózenge aǵyp jatyr

2272
Adyrna.kz Telegram

Ońtústik Qazaqstan oblysy Tólebı aýdany, Zertas aýylyndaǵy eski zıratta jerlengen máıitterdiń qabiri ashylyp, súıekteri jartasta shashylyp jatyr

Ońtústik Qazaqstan oblysy Tólebı aýdany, Zertas aýylyndaǵy eski zıratta jerlengen máıitterdiń qabiri ashylyp, súıekteri jartasta shashylyp jatyr. Mańyndaǵy bulaq pen ózen sýyna aǵyp ketkenderi de bar. Al sýdy paıdalanatyn eldi mekender halqyna qaýip tónip tur. Dál osylaı dabyl qaqqan aýyl belsendisi Túımebaı BAZAROV bılikten arasha surady, dep habarlady Otyrar telearnasy.

Maıatas aýlynyń turǵyny Túımebaı Bazarov byltyr qazan aıynda qaza bolǵan 65 jastaǵy qudashasyn osy Zertas aýylyndaǵy zıratqa jerlegen. Ol zıratta shashylǵan súıekterdi kórgende shoshyp, kópke deıin óz-ózinen kele almaǵanyn aıtady. Eski zırattyń bir bóligin sý shaıyp ketken. Al ol sýdy qarııanyń aıtýynsha, Toǵys, Eltaı, Qaratas, Saıram aýyldarynyń turǵyndary paıdalanyp otyr. Zertas aýylynyń ákimdigi zırattaǵy jaǵdaıdan habardar. Qandaı da bir jumys atqarýǵa aýdandaǵy basshylardyń qarjy bólgenin kútip otyr. Al aýyldyqtar shara tez arada qoldanylmasa, zıratty sý shaıyp ketetinin aıtýda.

«Bul másele bizdiń nazarymyzda. Ol jerge kóktemde aǵash otyrǵyzyp, aýdandyq Turǵyn úı-kommýnaldyq sharýashylyǵyna hat joldap, betondaýdy jáne sýdyń arnasyn burýdy suranyp otyrmyz», - deıdi Tólebı aýdany Zertas aýyly ákiminiń orynbasary Erlan SAPAROV.


DerekkózQazAqparat

Fotoinform.kz.

Pikirler