Kaspıge baılanysty besh tıynymdy qosa ketsem. Senat 25-inshi qarashada zań qabyldap prezıdentke jiberipti. Bilýimshe prezıdent áli qol qoımady. Qol qoısa zań kúshine enedi. Budan bylaı mobıldi aýdarymdar zańsyz bıznes retinde qarastyralatyn bolady. Taksıst, satýshy, basqa da adamdardyń jeke schıotine aýdarylǵan aqshalar kúdik týdyrsa salyq organy tarapynan alǵash ret eskertý berilip keıinnen jaýapqa tartylatyn bolady. Sizdiń tuǵan kúnińiz, balańyz týyldy degen sııaqty jaǵdaılarda týystaryńyz aqsha aýdarsa oǵan jaýap bermeısiz. Biraq siz jylda bir ret týylasyz. Qalǵan kúndelikti aýdarymdar ol kúdik týdyrýy múmkin. Prezıdent qol qoısa kásipkerlik salasyndaǵy árbir aýdarymdarǵa chek berý kerek bolady.
Máseleniń ekinshi jaǵy bar. Pandemııa bastalǵaly adamdardyń kóbisi onlaınǵa ótip aldy. Buryn saýda jasaıtyn dúkende istedim. Pandemııa bastalǵaly saýdanyń 80%-yna onsyz da chek urylatyn bolǵan. Adamdardyń ózderi qolma qol aqsha tasyp júrmeıdi. Qalta urylarynyń nesibeleri azaıǵan edi. Biraq endi bári chek uryp ketpeıdi. Qaıtadan sol qaǵaz aqshaǵa ótedi kóbisi. Ol kezde qaıtadan aqsha joǵaltý, qalta urylaryna jem bolý bastalady.
Kedeılerge negizi báribir. Másele bizdiń jemqor sheneýikterdiń áli toımaýynda bolyp tur. Áli kúnge deıin shekaradan taýarlar zańsyz ótedi. Aldymen sony týralaý kerek. Qytaıdyń bergen derekteri men Qazaqstannyń bergen derekterinde aıyrmashylyq jer men kókteı. Solardy túzese kásipkerler ózderi úshin bárine chek urar edi. Biz burynnan jalpyhalyqtyq deklaraııaǵa ótý kerek bolǵanbyz. Ákimshilikte istep menen 2-3 ese az aılyq alyp jaǵdaıy meni 100 keıde 1000 oraıtyn adamdar árbir tıynnyń qaıdan kelgenine esep berý kerek. Taksısttiń 300 teńgesin ańdyǵansha mıllıarder jemqordyń tabysyn ańdysyn. Sol kezde bıýdjetti toltyramyz.
"Adyrna" ulttyq portaly.
