Almaty qalasy ákiminiń orynbasary Serik Qusaıynov megapolıs pen onyń mańyndaǵy LRT qurylysyna máselesine toqtaldy, dep habarlaıdy "Adyrna" ulttyq portaly.
Qusaıynov «Almaty aglomeraııasynyń kólik ınfraqurylymynyń jaı-kúıi men damý perspektıvalary» taqyrybyndaǵy qoǵamdyq tyńdaýda kelesi jyly Talǵardyń joǵarǵy tas joly boıymen LRT jelisin salý josparlanyp otyrǵanyn aıtty. Joba jeke ınvestor esebinen júzege asyrylady.
Alaıda, BUU-nyń Qazaqstandaǵy damý baǵdarlamasynyń «Almatynyń turaqty kóligi» jobasynyń jetekshisi Elena Erzakovıchtiń nusqasyna sáıkes, LRT tolyǵymen ınvestordyń esebinen salynýy týraly málimdemeler durys emes.
«Rail Jet jáne Talgar LRT kompanııalaryna qatysty suraqtar kóp. Óz qarajatyna tramvaı salamyz dep ýáde berip jatyr deý durys emes. Olar bıýdjetten qarajat talap etedi, biraq sodan keıin bári túrde, tikeleı kelisimmen bolýy kerek. Astana senarııi qaıtalanbaýy kerek», - dedi Elena Erzakovıch.
Óz kezeginde qala ákiminiń orynbasary Serik Qusaıynov astanalyq LRT-degideı oqıǵanyń qaıtalanbaıtynyna ýáde berdi.
«Astana senarııi qaıtalanbaıdy. Qala ákimdigi qarjy bólmeıdi, bul memlekettik-jekemenshik áriptestigimen júzege asady. Joba iske qosylǵannan keıin bıýdjetten qarjy bólinedi. Qoldanystaǵy zańdarǵa sáıkes, biz barlyq kásiporyndarymyz sııaqty tasymaldaýǵa sýbsıdııalar beretin bolamyz», - dedi Serik Qusaıynov.
Almaty qalasynyń ákimi Baqytjan Saǵyntaev buǵan deıin Qazaqstan úkimeti LRT jáne metro sııaqty eki iri jobany bir mezgilde qarjylandyra almaıtynyn aıtqan bolatyn.
«Jobany bastamas buryn onyń toqtamaıtynyna senimdi bolýymyz kerek ekenin naqty túsiný kerek. Biz ony kez kelgen ýaqytta sala alamyz, biraq qandaı aqshaǵa? Aıaqtalǵannan keıin joba mıllıard dollarǵa jýyqtaıdy, bul aqshany biz qalaı qaıtaramyz? Men bul týraly úkimetpen sóılestim, olardyń kózqarasy boıynsha biz metro jáne LRT sııaqty eki úlken jobany júzege asyra almaımyz. Biz LRT qurylysynan jarty jolda bas tarta almaımyz, sondyqtan bastamas buryn senimdi bolýymyz kerek. Jáne, eń aldymen, máseleni qarjylandyrýda», - dedi ákim.
"Adyrna" ulttyq portaly
