Shapaǵat" destrýktıvti dinı aǵymdardan japa shekkenderge kómek kórsetý ortalyǵynyń teology, dintaný magıstri Serikjan Enshibaıuly "Atyraý" basylymyna bergen suhbatynda adasqan jigittiń taǵdyry jóninde keńinen aıtyp berdi dep habarlaıdy NUR.KZ.
"Bastapqy kezde ol jigit dinı saýatyn meshitten ashady. Keıin áleýmettik jeliler ar-qyly túrli dinı toptarǵa qosylyp, ýaǵyzdardy tyńdaı bastaıdy. Sóıtip júrgen kezde ol áıelin, balasyn alyp, Reseı arqyly Sırııa shekarasyna ótý týraly sheshim qabyldaıdy. Jigitpen arada birneshe ret jekelegen suhbattar qurý nátıjesinde, onyń dinı biliminiń tómen ekendigi anyqtaldy. Dese de, keıipkerimiz kezinde Atyraý qalasyna qarasty Geolog eldi mekenindegi ózgeshe oılaıtyn toptyń ishindegi lıderlerdiń qatarynda bolǵan", - degen dintanýshy túrli ýaǵyzdarǵa ábden ýlanǵan olar ýaqyt óte kele meshitke kelýdi de doǵaranyn aıtady.
"Sebebi, olar meshit ımamdary bıdǵatshy, ıaǵnı, dinge jańalyq engizýshiler degen pikirde bolǵan. Osylaısha, úıdi-úıge jınalyp, ózara dıalog qurý kezinde bul jigit birneshe adamdy Sırııaǵa ketýge úgittegen. Bazardyń tóńireginde júrip, biraz aqsha jınaǵan jigit Sırııaǵa attanyp bara jatqan jerinen ustaldy. Terrorızmdi nasıhattaǵany úshin alty jylǵa bas bostandyǵynan aıyryldy. Endi ol der kezinde teologtardy tyńdamaǵanyna ókinedi. «Bar armanymyz Sırııaǵa attaný boldy. Ol kezde balany da, áke-shesheni de, otbasymyzdy da oılaǵan joqpyz" deıdi jigittiń ózi. Sol jigit kóp uzamaı bostandyqqa shyǵady. Qazirgi kezde áıel-balasy ony kútip otyr. Kezinde radıkaldy baǵytta bolǵan jubaıy da búginde dástúrli mázhabqa oraldy", - deıdi Serikjan Enshibaıuly.
NUR.KZ
