«Atyrau – adaldyq alaŋy» jobalyq keŋsesı Atyrau oblysy Işkı saiasat basqarmasy jäne Qazaqstan Respublikasy Sybailas jemqorlyqqa qarsy ıs-qimyl agenttıgı (Sybailas jemqorlyqqa qarsy qyzmet) Atyrau oblysy boiynşa departamentımen bırlesıp, JOO studentterı men magistranttary arasynda sybailas jemqorlyqqa qarsy küres boiynşa üzdık ideia (jobaǧa) konkursyn ötkızdı, dep habarlaidy "Adyrna" ūlttyq portaly.
Jobalarǧa qoiylǧan basty talap sybailas jemqorlyqqa qarsy ıs-qimyl şaralarynyŋ, sybailas jemqorlyq ıs-äreketterın joiu ädısterınıŋ jaŋa jüiesın ūsynu bolatyn.
Konkursqa ūsynylǧan jobalardy baǧalaityn sarapşylardyŋ jäne konkurstyq komissiianyŋ qūramynda QR Sybailas jemqorlyqqa qarsy ıs-qimyl agenttıgı (Sybailas jemqorlyqqa qarsy qyzmet) Atyrau oblysy boiynşa departamentı basşysynyŋ bırınşı orynbasary Aidos Mamyt, QR Prezidentınıŋ janyndaǧy Memlekettık basqaru akademiiasynyŋ Atyrau oblysy boiynşa filialynyŋ direktory Jannat Nūrtıleuova, QR Prezidentınıŋ janyndaǧy Memlekettık basqaru akademiiasy Atyrau oblysy boiynşa filialynyŋ aǧa oqytuşysy Erkebūlan Moldabekov, «Atyrau – adaldyq alaŋy» jobalyq keŋsesınıŋ mamany Aniia Tuleşova boldy.
Joba ideiasynyŋ tiımdılıgı, mazmūnynyŋ aşyluy, jobanyŋ daǧdysy, ideialardyŋ jaŋaşyldyǧy baǧalanǧan konkursta H.Dosmūhamedov atyndaǧy Atyrau universitetınıŋ Ekonomika jäne qūqyq fakultetınıŋ Qūqyqtanu mamandyǧynyŋ 2 kurs studentı Medetova Möldırdıŋ jobasy üzdık dep tanylyp, diplom jäne arnaiy syilyq tabystaldy. Konkurstyŋ nätijesınde üzdık jobalar ūsynǧan studentter Alǧys hatpen marapattaldy.
"Adyrna" ūlttyq portaly
