Dúnıejúzilik densaýlyq saqtaý uıymynyń (DDSU) aımaqtyq dırektory Hans Klıýge VVS-ge bergen suhbatynda Eýropada qysta pandemııaǵa qarsy qosymsha sharalar qabyldanbasa, 500 myń adam koronavırýstyq ınfekııadan qaıtys bolýy múmkin ekenin aıtty, dep habarlaıdy "Adyrna" ulttyq portaly.
Onyń aıtýynsha, betperde rejımin jaqsyraq saqtaý jaǵdaıdy jaqsarta alady. Sonymen qatar, ekpe naýqanynyń qarqynyn jedeldetip, halyqtyń densaýlyǵyn saqtaýdyń negizgi sharalaryn ustanyp, jańa emdeý ádisterin engizý qajet.
Klıýge mindetti vakınaııany sońǵy shara retinde qarastyrý kerektigin atap ótti.
- Eýropada koronavırýstyń taralýyna sýyq mezgil, vakınaııanyń jetkiliksiz bolýy, sondaı-aq neǵurlym juqpaly delta shtammynyń basym bolýy yqpal etedi - dep atap ótti Klıýge.
Esterińizge sala keteıik, buǵan deıin ol Eýropa halqynyń 95 paıyzy betperde kıetin bolsa, bul 188 myń adamnyń ómirin saqtap qalýy múmkin ekenin habarlady. Dúnıejúzilik densaýlyq saqtaý uıymynyń málimeti boıynsha, 21 qarashadaǵy jaǵdaı boıynsha Eýropada koronavırýstyq pandemııa bastalǵannan beri 82,69 mıllıon adamnan COVID-19 aýrýy tirkeldi. 1-7 qarasha aralyǵyndaǵy apta saıynǵy ósý pandemııanyń búkil ýaqytyndaǵy eń joǵary kórsetkish boldy - 201,8 myń jaǵdaı.
"Adyrna" ulttyq portaly
