20 qarasha kúni Aqtaýda QR Mádenıet qaıratkeri, «Qurmet» ordeniniń ıegeri Mels Qosymbaevtyń «Dúnıe turǵansha tur, Qazaqstan!» tolǵaý keshi ótti. Bul shara el Táýelsizdiginiń 30 jyldyǵyna oraı uıymdastyryldy, dep habarlaıdy Mańǵystaý oblysy ákiminiń baspasóz qyzmeti.
Kesh «Aqshaǵyl» etno-folklorlyq ansambliniń mýzykalyq qoıylymymen ashyldy. Aqyn Mels Qosymbaev 5 bólimnen turatyn tolǵaýdy toqtaýsyz 1 saǵattan asa ýaqyt oryndady. Shyǵarmashylyq keshke qatysqan oblys ákimi Nurlan Noǵaev aqynnyń táýelsiz elimizdiń mádenıetine qosqan eleýli úlesin atap ótti.
